وتار
مەکتەبی سیاسی یەکێتی،خیانەت و ئاشبەتاڵ چۆنە؟!
د.شێرکۆ حەمەئەمین

ئەمڕۆ ۲٠۱۷/۱٠/۲٤ مەکتەبی سیاسی یەکێتی بەیاننامەیەکی لەسەر ۱٦ ئۆکتۆبەری ۲٠۱۷ بڵاوکردۆتەوە و تەسلیمکردنی سەداپەنجاویەکی خاکی کوردستانی، بە حەشدی شەعبی و ھێزەعێراقییەکان،بە کارەسات ناوبردوە!
وەک ئەوەی رویدا، رودوی ئوتومبیل یان لافاو یان ئاگرکەوتنەوە بوببێت،ئەھا ئەوەی لە لافیتەی پرسە دەنوسن،بە کارەساتێکی دڵتەزێن کۆچی دوایی کرد.
ئەی ھەر خۆتان نەبون پێش چەند رۆژێک یەکترتان تۆمەتباردەکردو باسی خیانەتتان دەکرد؟
ئەی نازانن ئەمە دوەمین جارە پێشمەرگە بگری ئاشبەتاڵی ۱۹۷٥ لەگەڵ ۱٦ ئۆکتۆبەری ۲٠۱۷ بەراستی روقایمیە بەو جۆرە ھێشتا خۆت بەسیاسی بزانیت؟!
ئەوەی ۱٦ ئۆکتۆبەر ڕویدا،بەبەچۆنی بەندە ھێشتا زاراوەکانی ئاشبەتاڵ و خیانەت و ئیفلاسی سیاسی سەرانی لیژنەی باڵای ریفراندۆم بەقیادەی بارزانی ،زۆرکەمن بۆ وەسفکردنی ،دەبێت قاموس بگەڕێین و زاراوەی پڕاوپڕی خۆی بۆ بدۆزینەوە.
خاڵێکی تر دەڵێن: پێشبینییەکانمان بۆ ئەنجامدانی ریفراندۆم راست دەرچون و پلانی ئیقلیمی ھەبو،ئەی ئێوە نەبون،لەتەنیشت بارزانییەوە بەجلی ئاڵوواڵاوە،لە مەلعبەکە،ئەی لای بارزانیەوە نەبون،کە ۷ حوزەیران رۆژی ۲٥ ئەیلول بۆ ریفراندۆم ،لە دیوەخانی حیزبەوە دانرا،ئەی خۆتان لە دانانی ئەو رۆژەدا و لە ریفراندۆم لە کەرکوکدا،رۆڵی سەرەکیتان نەبو،شانازیشتان پێوە دەکرد،ئەی ئێستا بۆ دۆخەکە گۆڕا؟!
تۆبڵێی بازرگانەکانی نەوت و دەرمان و بنیاتنەرانی ئابوری جەردەیی و بنەماڵە و خێزانی سیاسی، تاکەی بەمجۆرە حوکم بکەن و لەسیاسەتی گەوجاندن بەردەوام بن؟!
ئەم وتارە گوزارشت لە رای نوسەر خۆیەتی و بزاڤ پرێس لێی بەرپرسیار نییە
25/10/2017
بابه‌ته‌کانی تری نوسه‌ر ...
1