وتار
دەبێت یەکگرتوو شوناس وناسنامە ئیسڵاحیەکەی تۆختر بکاتەوە!؟
ئەبوبەکر هەڵەدنی

هیچ هێزێك لەکوردستاندا بەئەندازەی یەکگرتوو پڕ نیە لە ووزەو توانا وکەرەسەی خاوی ئیسڵاحی کەپشتی پێ ببە سترێت وبخریتە گەڕ بۆحوکمڕانیەکی تەندروست ,کاتی خۆیشی کە بەهەزاران خوێندەوارو گەنج خۆیان لەناو یەکگرتوودا دۆزیەوەوکردیانە جێگای ئومێدی خۆیان تالەوێوە ئەرکی ئیسڵاحیانەی خۆیان پراکتیزە بکەن.
راستە مەیدانی حزبی سیاسی چونە ناو حکومەتە,تۆ ئەم هەموو کادیر وئەندامە پەروەردەو ئامادە دەکەی بۆئەوەیە لەناو حکومەتدا پەرە بەتواناکانیان بدەی وخەڵک وهاوڵاتیانیش لێ یان بەهرەمەند ببن,ئەوەش ڕاستە کە چونە ناوحکومەت ووردە ووردە چاوت دەکاتەوە وخۆی لەخۆیدا وێستگەیەکی گەشەکردن وخزمەتکردنەوبەقۆناغ بەندی وبەشێنەیی بەشدار دەبیت لە پرۆسەی چاکسازیدا.
بەڵام ئەگەر شەن وکەوێکی بەشداری یەکگرتوو لەحکومەت بکەین کە حەڤدە ساڵ لەناو حکومەتدا وەزیری هەبوە لە ١٩٩٦ بۆ ٢٠١٧بیجگە لە(چوارساڵی ئۆپۆزسیۆن ٢٠٠٩ بۆ ٢٠١٣)ئایا بەشدار بوین لەبڕیار,ئایا ئاگاداری داهات وجومگە هەستیارەکانی دەسەڵات بوین,ئایا لەمەلەفی سەربازی وپەیوەندیەکان خوێنراوینەوە وسەرحساب کراوین,ئایا بەگوێمان کراوە کاتێک دەیان پێشنیارو پڕۆژەمان بۆچاکسازی خستۆتە ڕوو,وەڵامی ئەمانە هەمووی نەخێرن,چونکە ئەم دووهێزە هەرگیز قەناعەتی قوڵیان بەچاکسازی نەبوەوڕۆژێک لەڕۆژان ململانێیەکی مەدەنیان لەگەڵ ڕکابەرەکانیان نەکردوە,هەمیشە هێزودەسەڵات وپارەیان بۆمانەوەی خۆیان بەکارهێناوە نەک خەڵک,هەرگیز اعتباریان بۆ ئەوکەسانە دانەناوە کە کاربەدەست بووبن وویستبێتیان مەڵۆیەک بخەنە سەر خەرمانی چاکسازی بگرە کۆت وپێوەندیان کردوون ودونیایەک کۆسپ وتەگەرەیان بۆدروست کردوون,باشترین نمونە هەوڵەکانی هەردوو وەزیری کارەبا وکۆمەڵایەتی کابینەی هەشتەمە کەتووشی چ دەردە سەریەک کران.
بۆیە شوێنی ڕاستەقینەی یەکگرتوو نزیکیەتی لەهەناسەی خەڵــک,خۆمەڵاس دانیەتی لەمەتەرێزی دادپەروەی, دەنگ هەڵبڕین وهاواری بەهەقە بۆ سەندنی مافی ستەملێکراوان, نابێت لەشوێنی ناڕێک ونەگونجاودا بوەستێت تاوێنەکەی شێواو ببینرێت,بە بەڵێنی درۆینەی دەسەڵاتدارانێك سەراسیمە نەبێت کەهەموو شتێک دەزانن جگە لەڕاستی.
یەکگرتوو گەر دەیەوێ ڕابردووی پڕ شانازی خۆی بەداهاتوویەکی پڕ لەڕوسوری بەردەمی خوا وخەڵکەوە گرێ بدات,دەبێت خۆی بەدووربگریت لەوانەی هۆکاری قەیران وئابڕوچونی سیاسی وئابوری وکۆمەڵایەتی وسەربازی ولەدەستدانی خاکن,لەئێستاوە دەبێت کار بۆ پێک هێنانی بەرەیەکی ئیسڵاحی بەرفراوان بکات کەبمانگەیەنێتە قۆناغی پەڕینەوە بەرەو حکومەتی ڕەشید وبەرپرسیار کەتیایدا شکۆ بۆ هاوڵاتی وماناوڕەونەق بۆدەسەڵات بگێڕێتەوە کە ئەویش بەرجەستە کردنی خزمەتگوزاری وخۆشگوزەرانی وداپەروەریە,تا داهات وخێروبێری سەرزەمین وبن زەمینی گەوهەرینی کوردستان تەنها وتەنها بۆهاولاتیانی بێت نەک توێژێکی مشەخۆری پیسخۆر,یاخود داگیر کەران وکۆمپانیا فرە ڕەگەزە بێ ڕەحمەکان سامانمان دادۆشن وئێمەش کولەمەرگیانە ژیان بەشمان بێت.
باهەرەشەی ولاترکنوا الی الذين ظلموا فتمسكم النار پاڵنەرمان بێت بۆ تۆختکردنەوەی ناسنامە ئیسڵاحیەکەی یەکگرتوەکەمان کەئەوە مەیدان وشوینی جوڵەی ڕاستەقینەو شیاو بەخۆیەتی.
ئەم وتارە گوزارشت لە رای نوسەر خۆیەتی و بزاڤ پرێس لێی بەرپرسیار نییە
01/01/2018
بابه‌ته‌کانی تری نوسه‌ر ...
1
زۆرترین بینراو
  • 24 کاتژمێر
  • هەفتە
  • مانگ