وتار
لە موزایەدەی ریفراندۆمەوە بۆ موزایەدەی بودجە
هۆشیار عەبدوڵڵا

پەیامێکی پێویست :

سێ ساڵە عبادی دەیەوێ پشکی هەرێم لە موازەنە کەمبکاتەوە ، نەیتوانیوە ! ئەگەر ئەمساڵ بۆی چوەسەر ئەوە گورزی ریفراندۆمەکەیە ، ئەگەر کەسێک سەبەبێکی تر دەزانێ با پێم بڵێ؟!

ئەوە ڕونە کە ئەوەی وایکردوە داشی عبادی وا سوار بێ و بتوانێ وا بێ منەت بێ لە ئاست داواکاریەکانیی نوێنەرانی هەرێمی کوردستان بە هۆی کارەساتیی ئەو ریفراندۆمەوەیە کە موزایەدەچیەکان لە بارزانی زیاتر خۆیان لێکردبوە صاحب .

دەزانم ئێستا هەن دەڵێن باشە زانیمان ریفراندۆم هەنگاوێکی هەڵە بوە بەڵام نەبرایەوە هێندە باس دەکرێتەوە ، راستیەکەی ئەوەی وایکرد باسی بکەمەوە موزایەدەی ئەو ریفراندۆمچیانەیە کە خەریکە پرسیی موازەنەش وەک ریفراندۆمەکە لێدەکەن .

لە ئاستی فکریدا قەت نامەوێ ریفراندۆم وەک شکست لە ناخ و قوڵایی کۆمەلگە و تاکیی کورددا جێگە بگرێ ، هێندەی دەمەوێ وەک هەڵەیەکەی گەورە لە بەردید بێت بۆ ئەوەی بزانین هەڵەی کەسێک یا گروپێک دەبێتە چ کارەساتێکی گەورە بۆ گەلێک .

هەمو دەزانین عبادی پرسی پشکی هەرێم و موچەش وەک وەرەقەی ئینتیخابیی سەیر دەکات ، من دەیان بەیاننامەم لەسەر دەرکردوە و قسەم لەسەرکردوە لە میدیا عەرەبیەکان ، پەرلەمانتارێکی تر شک نابەم وەک بەندە قاسیانە، ڕاشکاوانە لەسەر عبادی دوا بێت ، هەمو بەیاننامە و چاوپێکەوتنەکان شایەتن، بەڵام عبادی و سیاسەتەکانیی بەشێکن لە هۆکارەکانی نەبونیی موچە ، بەشە گەورەکەی ئەوەیە کە حکومەتیی هەرێم چەندین ساڵە نەوت دیزە بەدەرخۆنە دەکات ، نەوتی کەرکوک و هەرێمی بۆ پێش وەخت فرۆشتوە و پارەکەی بە سەوزی خواردوە.

جا تۆ ئەگەر دەتەوێت راستگۆ و واقعیی و سەر راست بیت لەگەڵ هاونیشتیمانیەکانی خۆت دەبێ هەردوکیی بڵێی نەک هەرچی بەردە بیگریتە سەری عبادی (کە زۆر موستەحەقە) بەڵام جورئەت نەکەی رو بە نێچیرڤان و جێگرەکەشی بڵیی کوا داهاتی نەوتەکە ؟! پێیان بڵیی کوا داهاتی ناوخۆ ؟! کوا داهاتی مەتارەکان ؟ داهاتی مەرزەکان ؟! 
ئەگەر خەمیی خەڵکتە و بۆ موزایەدەت نیە دەبێ هێندەی عبادی زمانت تیژ بێ بۆ نێچیرڤانیش .

ئەگەر دڵسۆزیە بۆ نیشتیمان و بۆ هەرێمی کوردستان و هاونیشتیمانیەکانیی دەبێ ئەو چەتەییەی لە خەلکی کوردستان دەکرێ لە لایەن حکومەتی هەرێمەوە ، ویژدانت دەرزی ئاژەن بکات لێی بێیتە قسە، ئەگەر لە هەرێم بێ دەنگ بویت و ئەسڵەن پێت وابو نیشتیمانپەروەری ئەوەیە سەرۆکی حکومەت و جێگرەکەی لێت رازی بن و دەستخۆشیت لێ بکەن و لە بەردەمیان بچوکبیتەوە وەک هەندێ بە ناو رۆشنبیر و رۆژنامەنوسی گەندەخۆر بازاری خۆیان پێ گەرمکردوە و ناویشیان ناوە خۆشەویستی نیشتیمان ، ئەوا دنیا پڕ بکەی لە عبادی لای من جگە لە موزایەدەی بۆش فلسێک ناهێنێ چونکە ئەم خەلکە پێش عبادی بە دەستی بەرپرسە گەندەڵ و فاشیلەکانیی هەرێم ، بێ ژیان کراون .

لە جۆری ئەو رەخنانەش کە لە عبادی دەگیرێت بۆچونی من لە موزایەدە چیەکان جیایە ، ئەوان دەڵێن هەرێم نەوت و داهات هەرچیەک لێبکات دەبێ عبادی موچە بنێرێ ، من رەخنەکەم ئەوەیە کە عبادی سەرۆک وەزیرانی عیراقە و خەلکی هەرێم تاوانیان چیە کە ئەو نەتوانێ رێگە لەوە بگرێ نەوتی هەرێم تالان فرۆش بکرێ بۆ تورکیا ، رەخنەی من ئەوەیە لە عبادی کە ئەو دەسەلاتی هەیە وەک سەرۆک وەزیران بۆ ڕیگری لە تالانکردنیی نەوتی هەرێم ناکات؟!

بەڵێ من هەوڵدان بۆ رێگە گرتن لە تاڵانفرۆشی نەوتی هەرێم جا عبادی بیکات یا هەر کەسێک بە ئەرکێکی نیشتیمانیی باڵا دەزانم و بیدەنگیش لەو تالانفرۆشیە کە هەرێمی پێ وێران دەکرێ و مافیا و عائیلەسیاسیەکان دەسەپێنێ بەسەر ئێستا و ئایندەی هەرێم بە تاوانێکی گەورە تێدەگەم .

هەن خەمخۆریان بۆ دۆخی پێشوی پڕ لە گەندەڵی هەرێم و هەوڵدان بۆ هێشتنەوەی هەرێم لە دەستی مافیاکاندا ناو ناوە داکۆکی لە خەڵکی کوردستان ، من داکۆکی لە خەڵکی کوردستان بەوە دەزانم کە داهاتی هەرێم بە دور بگری لە دەستی رەشی ئەوان و رێگری بکەی لەوەی وەک پێشو بۆیان بچێتە سەر ، بۆ ئەوەش داهاتی نەوتی و نا نەوتی ، هەمو داهاتێک دەبێت بگەرێتەوە خەزێنە و سەبەتەی دەوڵەت و لەوێوە جارێکی تر دابەش بکرێ ئەوەش پرسێکی دەستوری و یاساییە.
ئەم وتارە گوزارشت لە رای نوسەر خۆیەتی و بزاڤ پرێس لێی بەرپرسیار نییە
08/02/2018
بابه‌ته‌کانی تری نوسه‌ر ...
123
زۆرترین بینراو
  • 24 کاتژمێر
  • هەفتە
  • مانگ