وتار
سوێندخواردنەکەی حاجیی کاروان و ڕۆشنبیریی سیاسیی تاکی کورد
هونەر لەتیف

      ڕۆشنبریی سیاسیی، میکانیزم و هۆی تێگەیشتن و ئیدراکی خەڵکیی لە ڕووداوەسیاسیی و کۆمەڵایەتییەکانە. کاتێک ئەم ئاستی ڕۆشنبیرییە تا ئاستێکی مەترسیدار دادەبەزێت ئیتر چاوەڕوانیی کارەساتی گەورە دەبێت بە کار و ئەگەری ڕوودانی لە هەر کاتێکدا ببێت.
         هەنووکە، هەرێمی کوردستان لە ئاستێکی نزمی ڕۆشنبیریی سیاسییە، لە بەر ئەوە دەکرێت لە چاوەڕوانیی ڕوودانی کارەساتی گەورەدا، ببین. ئاستێکی نزمی ڕۆشنبیریی سیاسیی بەرهەمی کار و بەرنامەداڕێژراوێکی تۆکمەی جۆربەجۆری دەستەڵاتی سیاسیی دووحیزبیی یەکێتیی و پارتیی، لە ڕێگەی ئیعلامێکی زۆر و جۆربەجۆر و ژمارەیەکی زۆری نووسەر و چالاکی مەدەنیی ڕانتخۆ(بەکرێگیراو) لە لایەک، درووستکردن و پاڵپشتییکردنی حیزبی تازەی زایف(ساختە) لە لایەکی تر... بە جۆرێک چەپاودان و کپکردنی بیری تاکی کوردی تا گەشە نەکات و ئاستێک ئیتر نەبێتە مەترسیی بۆ داهاتووی بەموڵکگیراویان، کاری ئەمانە.
          سوێندخواردنی حاجیی کاروان، بۆچی؟

       کاتێک پەرلەمانتارێک، بۆ بڕواپێکردن، پە نا بۆ سوێندخواردن دەبات ئیما و هێماکردن بۆ ئاستی نزمی ڕۆشنبیریی سیاسیی تاکی کوردییە، کە بە جوڵەیەکیسیناریۆییی وەکوو پرۆژەیاسای خانەنشینی، دەستەڵاتی کوردی توانی کۆمەڵی کوردی بە ویستی خۆیی و ئەو بەرنامەیەی دایڕشبوو، ئاڕاستە بکات و  خۆی و هەرهێزێکی تری دژ و بە تایبەت سێلایەنی ئۆپۆزیسیۆن، لە ئاست و بەرەی خۆی دابنێت. لە بەرەی خۆدانان، لە شەقام و بەرەی خەڵکیی دوورخستنەوەیە. 
       دەستەڵات، توانی پەردەیەکی ڕەش بەسەر چاوی تاکی کوردییدا بدات و راستییەکان، بشارێتەوە. توانی لەو دۆخەشڵەژاوەدا لایەنەدژەکانی پڕۆژەیاساکە، لە دۆخی دژایەتیی و شەڕی یاساوە، بخاتە بەرەی وەڵامی شەقام و ئەو بیرەی درووستکراو و لەژێرڕکێفی ویستیدایە. سوێندخواردنەکەی حاجی کاروان، گەیشتنی تینە پێی... تینێک، کە ئەنجامی دۆڕاندنی هێزی بەرەی چاکسازیی و ئۆپۆزیسیۆنی پێشوو و تازەی هەنووکە، لە گەیاندنی ڕاستیی و بەرنامەسیاسییەکەیەتی، لە بەرانبەر نائومێدیی تاکی کوردیی، کە هۆیەکەی  نزمیی ئاستی ڕۆشنبیریی سیاسییە. دەستەڵات، نەک هەر توانی خۆی لەم ئاگرەسوورەی شەڕی شەقامی کوردیی، بە دوور بگرێت، بەڵكوو_ توانی خۆی بەری بکات و چاودێری دۆخە ببێت و شەڕی خۆی، بە بریکارەبێئاگانی(تاکی کوردی، بێئاگا لەوەیە بەکار دەبرێت) بکات.
کاتێک پەرلەمانتارێک سوێند دەخوات، هێمای گەیشتنە بنبەستی ناهوێدیی و لێکجوودانەکردنەوە و وەکووخۆی نەخوێندنەوەی دۆخەکەیە... دۆخێک، کە تاکی کوردی بە ناوی شەڕکردن بۆ گۆڕینی و تێپەڕاندنی بووە بە هۆی مانەوە و بێهومێدبوون، لە گۆڕینی.
       
             سێهێزی ئۆپۆزیسیۆن و ئەرکی هەنووکەیییان

         سێهێزی ئۆپۆزیسیۆن، ئەرکیانە پێداچوونەوە بە ڕابردووی نزیکی ئیعلامییان، بکەنەوە، لە بەر دووهۆی گرینگ و بنەڕەتیی...
هۆی گرینگ و بنەڕەتیی یەکەم: ئەو ناهومێدیی و نزمی ئاستی ڕۆشنبیرییەی تاکی کوردی، چەندە بەرهەمی بە هێزیی و کاریگەریی ئیعلامی بەرەی دژ و بەرانبەرە_ دووهێندە بەرهەمی بێهێزیی و بێکارییگەریی ئیعلامی خۆیانە، کە لە مێژووی نزیکی چوونەنێو حوکوومەتیانەوە، پاشەکشە و بۆ دواوەگەڕانەوەی خراپیی بەرچاوی بە خۆیەوە، بینیوە بە جۆرێک ژینگەی درووستبوون و هاتنەمەیدانی ئیعلامی زایف(ساختە)ی، ساز و ئامادە کرد.
وێڕای لە ڕابردوودا، ئیعلامی ئەم سێهێزە نەیتوانیوە تاکی کوردی، بە فیکر و پڕۆژەکانی بە باشی پەروەردە بکات، بۆ ئەوەی لە دەستیان نەهێندرێتەدەرەوە.
هۆی گرینگ و بنەرەتیی دووەم: بۆشاییی سیاسیی، دەرفەت و هۆی گرینگی درووستبوونی هێزی نوێ و هێزی داواکاری ژینگەی کۆمەڵایەتییە. هێزەئۆپۆزیسیۆنەکان، بۆشاییی سیاسییان هێندە گەورەیان درووست نەکرد، بەڵکوو_ بۆشاییی ئیعلامییان (وەکوو هێزی مەدەنیی تەنیا چەکیان بوو، لە رابردوودا) درووست کرد، کە لە ئەنجامدا بوو بە هۆی ناڕوونیی سیاسەت و ئەجێندایان و هاتنەمەیدانی هێزی تری پاڵپشت بە ئیعلامێکی تۆکمە(ئیعلام، وەکوو میکانیزمی جێپێکردنەوە و شەڕکردن) واتە: شەڕ، بە هەمان چەکی هێزی بەرانبەر  چونکە لە سیاسەتی سەردەم و مۆدێرن، نوێنەر و گەیێنەرێکی بەهێزی سیاسەت و پڕۆژەی هێزی سیاسیی، ئیعلام و ئیعلامێکی تۆکمەیە!
هونەر لەتیف
ئەم وتارە گوزارشت لە رای نوسەر خۆیەتی و بزاڤ پرێس لێی بەرپرسیار نییە
03/03/2018
بابه‌ته‌کانی تری نوسه‌ر ...
1
زۆرترین بینراو
  • 24 کاتژمێر
  • هەفتە
  • مانگ