وتار
دژایەتی کەناڵی روداو بۆ من ، گەورەترین شەرەفە
هۆشیار عەبدوڵڵا

قسەکانیی دوێنی شەومان لە کەی ئێن ئێن لەسەر هێزی 
پێشمەرگە و ئەو فشارە حزبیانەی کە دەخرێنە سەریان لە لایەن یەکێتی و پارتیەوە خراپ کەناڵی روداوی بێتاقەت کردوە .

هاتون پێشمەرگە لە دژمان هان ئەدەن بێ ئەوەی بەلای ناوەرۆکی قسەکانی ئێمەدا بڕۆن کەهەموی داکۆکی بو لە پێگە و ژیانی پێشمەرگە .

ئەو کەناڵەی کە گەورەترین کاریگەری سلبیی هەیە لە سەر دروستبونی دیدی نیشتیمانیی لەهەرێم .

ئەو کەناڵەی ئامانجی دروستکردنیی دوبەرەکی نێوان شارەکانیی هەرێمە ..

ئەو کەناڵەی خەریکی تاریکاندن و گەوجاندن و دێواندنە ..

ئەو کەناڵەی بەناوی فشەی قەومی و درۆی کوردایەتیەوە گەورەترین گورزی داوە لە پێگەی هەرێمی کوردستان ..

ئەو کەناڵەی بەخەڵکی دەگوت دوای ریفراندۆم بە پاسپۆرتە کوردیەت بۆکوێ سەفەر دەکەی هێندە درۆی ریفراندۆمی وەک حەقیقەت نیشانی خەلک ئەدا ..

ئەو کەناڵەی بە پارەی نەوتی هەرێم بە پارەی خەلکی کوردستان مانگانە ملێۆنان دۆلاری لە لایەن نێچیرڤان بارزانیەوە پێ دەدرێت ..

نێچیرڤان بارزانیی تاوانی زۆر هەن یەکێک لە تاوانەکانی دامەزراندنی ئەو میدیایەیە کە ئیش و کاری بوە بە هەڵگیرساندنی فیتنەی قەومی و مەزهەبی و ناوچەیی ..

وێنەکە هی ڤیدێۆیەکی کەناڵی کەی ئێن ئێنە روداو دەیەوێت بڵێت هیچ فشارێک لە سەر پێشمەرگە نیە لەلایەن یەکێتی و پارتیەوە و چەند پێشمەرگەیەکیان دور لە ناوەرۆکی قسەکانی ئێمە دواندوە بۆ بەلارێدا بردن و هەوڵی هاندانی پێشمەرگە ئەدەن لەدژمان.

هیوادارم ئەو پێشمەرگانەی( کە دەزانم بۆ و چۆن قسە دەکەن و هیچ لێیان ناگرم) لەسەر ئەوەی داکۆکی لەویژدان و ژیان و موچەیان دەکەم قسە بە ئێمە دەلێن لەوە تێبگەن کە ئێمە خەمی ژیانی ئەوانمانە ..

بزانن ئەوە بە هۆی سەرفکردنی داهاتی خەلکی کوردستان لە دامەزراوەی قەبەی ئیعلامی وەک روداوەوەیە کە ئەوان کەمترین موچە وەردەگرن.

روداو کەناڵێکە لە سەنگەری دەسەڵاتدایە و بەردەوام دژی خەڵکە بۆیە ئاساییە لام کە بوقی دیعایەی چەند کاندیدێکی طائیفی و مەزهەبی بێت و دیدە نیشتیمانیەکانی منی پێ قبوڵ نەبێت و دژم بێت .

ئەصڵەن کە روداو دژم بێت ئەوە گەورەترین شەرەفە.
ئەم وتارە گوزارشت لە رای نوسەر خۆیەتی و بزاڤ پرێس لێی بەرپرسیار نییە
05/05/2018
بابه‌ته‌کانی تری نوسه‌ر ...
123
زۆرترین بینراو