وتار
گۆڕان پشو درێژە
هۆشیار عەبدوڵڵا

ئامانجی رونی ئێمە هەڵوەشاندنەوەی هەڵبژاردنەکان و دەرخستنیی روی راسەقینەی ساختەکاریەکانیی دو بنەماڵەکەی هەرێمی کوردستانە .

لە دوای راگەیاندنیی ئەنجامە ساختەکانیی هەڵبژاردنە پەرلەمانیەکەی ۱۲ی ئایار ، وەک بزوتنەوەی گۆڕان ، لە پێناو داکۆکیی لە ئیرادە و دەنگی دزراوی هاونیشتیمانیانیی هەرێم لە هەمو ئاستەکان هەوڵیی رەتکردنەوەی ئەو ئەنجامانەمان داوە .

لە ئاستی پەرلەمانیی ؛ فراکسیۆنیی گۆڕان لە بەغداد رۆڵێکی یەکلاکەرەوەی هەبوە لە جوڵەکانیی ناو پەرلەمان تا گرێدانی کۆبونەوەی رۆژی ۲۸ ی ئایار و دەرکردنیی چەند بریارێک لە دژی ساختەکاریەکان . 

لەئاستی حکومەتی عێراق؛ وەزیرەکەی گۆڕان لە ناو ئەنجومەنی وەزیران رۆڵی سەرەکیی گێراوە لە جموجۆڵەکانیی حکومەت و پێکهێنانی لیژنەی تایبەت لەدژی ساختەکاریەکان .

لە ئاستی کۆمسێۆن ؛ لە ناو دامەزراوەی کۆمسێۆندا گۆڕان تاکە یەک کەسیی هەیە کە بە ئینتیما گۆڕانخوازە ، بۆ یەکەمجار لە مێژوی ئەو دامەزراوە فاسدەدا ، نا یەکیی گەورەی وت بە روی ساختەکاریدا و نا کەی سەعید کاکەیی گەورەترین کاریگەری هەبوو لە دەرخستنیی قەبارەی راستەقینەی ساختەکاریەکان و خەلکی لە ئاستی دەوڵەتی عێراق و کۆمەلگەی نێودەوڵەتی هینایە سەرخەت . 

لە ئاستی رێکخراوەییدا؛ ساختەکارەکان بە تایبەت یەکێتی پێی وابو زۆر سانا بۆی تێئەپەرێ و ئێمە وەک حزب بێدەنگیی لە دەکەین و لە هەڕەشەکانیان ئەترسین ، لەو کاتەشەوە هیچ رێگەیەک نەماوە بۆ خۆ نزیککردنەوە لە گۆڕان نەیگرنە بەر رەتکراونەتەوە و گۆڕان رۆڵیکی کاریگەری هەبوە لەوە لە ئاستی رێکخراوەیی ساختەکاریەکە رەتبکاتەوە و لە بەرەیەکی سیاسییدا دژی بەرەی ساختەکاری بەشداربێت .

لە ئاستیی دبلۆماسیدا ؛ سەفارەتەکان و کونسلخانەکان و یوئێن و زۆرینەی نێردە دبلۆماسیەکان لە قەبارەی ساختەکاریەکە ئاگادارکراونەتەوە . 

ئێمە باش دەزانین کە رەتکردنەوە و هەڵوەشاندنەوەی هەڵبژاردن ئێجگار سەخت و ئەستەمە بەڵام هیچ هەوڵێک نامێنێ نەیخەینە گەڕ ، لە ئێستادا ساختەکاری دو حزبەکەمان کردۆتە ئەمرێکی واقعی و رون لەبەردەمی رایگشتی ناوخۆیی و عیراقیی و دونیاش . 

لە کۆی هەر سێ دەسەڵاتەکەی عێراق کە حکومەت و پەرلەمان و دادوەریە لەسەر هەرسێ ئاستەکە لەسەر خەتین ، ئێستا هەمو لایەنە سیاسیەکان دەزانن حەجمی راستەقینەی بێ تەزویری دو بنەماڵەکە چەندە؟! 
بەو ئاراستەیە لە دژیان بەردەوام دەبین .

ئەگەر ئەو دو حزبە پێیان وابێت ؛ بەو تەزویرە گەورەیە لە گۆڕان کە لانیکەم ( حەوت ) کورسیان لێی دزیوە گورز لە گۆڕان ئەدەن ، ئەبێ دڵنیابن گۆڕانیان بەهێز کردوە لاوازیان نەکردوە .

هیزی راستەقینەی هەر حزبێک ناو دڵی خەڵکە نەک لە کێبەركێی بنەماڵەکان بۆ کلکایەتی ئیقلیمیی ، حزب کاتێک بەهێزە لەسەر رێگا راستەکە بێت بە پاکیی نەک بە تەزویر و دزی و فزی .

بەو تەزویرە لە گۆڕان ، گۆڕان وەک بزوتنەوەیەکی کۆمەڵایەتیی وەک رێکخراو وەک کەرەستەکانیی بەردەمیی لە خەباتیی دیموکراتیی جارێکیتر بەخۆیدا دەچێتەوە ، خەلەل و هەڵەکانیی سنوردار دەکا ، خۆی بۆ سەردەمێکی تری ململانێی کاریگەرتر ئامادە دەکات .

نەوشیروان مستەفا لە سەرکەوتن و شکستا فێری کردوین چۆن دەرس و عیبرەت لە هەناوی هەدو حاڵەتەکە هەڵبهێنجین ، بێ شک و گومان دەڵێم لە هەناوی ئەو پیلانەی لە دژی گۆڕان بەریوەبرا سەرکەوتن و ئاسۆی گەشی بەخۆدا چونەوە و وەرزێکی تری تێکشکاندنیی بنەماڵە گەندەڵکارەکان بونیی هەیە و دەبێت وەک شکست نا وەک دەرفەت لێی بروانین ، ئەوەش تەنها بەوانە دەکرێت کە ئەهلیی هیمەت و پشو درێژی و خاوەن تێگەیشتنیی قوڵن بۆ خەباتی مەدەنیی . 

وەک وتراوە ئەو گورزەی ناتکوژێ بەهێزترت ئەکا ، گرنگ ئەوەیە هەتا گەنجێکی حەماسیی مابێت بۆ رێبازی گۆڕانخوازی بانگەشە بکات بە ئازایەتیەکی زۆرەوە ئاڵا نیلیەکەمان لە ناو دەستدایە و دەبینە مۆتەکەی گەندەڵیی و بە هەمو توانامانەوە دژی حوکمیی بنەماڵەیی چەتەگەر دەوەستینەوە.
ئەم وتارە گوزارشت لە رای نوسەر خۆیەتی و بزاڤ پرێس لێی بەرپرسیار نییە
02/06/2018
بابه‌ته‌کانی تری نوسه‌ر ...
123
زۆرترین بینراو
  • 24 کاتژمێر
  • هەفتە
  • مانگ