وتار
ئەم سەرکزی وبێدەنگیەتان لەپای چی یە ؟
عەبدولڕەحمان عەلی ڕەزا

ئەم هەرێمەی کەناوی کوردستانە ، پڕ پڕیەتی لەتەنگەژەو قەیرانی هەمەجۆرو لەو ڕوەوە لەهیچی کەم نیە، لەوێنەی قەیرانی سیاسی ، یاسایی ، دارایی ، سەربازی ، متمانەو تەنانەت کۆمەڵایەتیش ، بەڵام ئەوەی قەیران نەبێت بێدەنگی و سەرکزییەئەویش لەئاست ڕووداوو پێشهاتە دەرەکیەکاندابەتایبەت وڵاتانی دراوسێ ، ئەم بێدەنگیە لەبەرامبەر لەشکرکێشی ، تۆپبارانکردن ، سنوربەزاندن ، پەلامارەکانی وڵاتانی دراوسێ ئێجگارئابڕوبەرانەیە.
دەبوایە دەسەڵاتدارانی ئەم هەرێمە کەناویان لەخۆیان ناوە دەوڵەتمەدار لەسەر هیچ نا ، بەڵکو تەنها لەسەر بەزاندنی سنوری هەرێم و هاتنەنێو قوڵایی خاکی باشوری کوردستان لەلایەن جەندرمەکانی دەوڵەتی تورکیا بەدەنگبهاتایە ،چونکە بێدەنگی بەم چەشنەش دەمانگەیەنێتە ئەوبڕوایەی کەپرسیارگەلێک لەزیهنی زۆرماندا دروست ببێت و بپرسین دەبێت لەپای چی و لەپێناوی چیدا بژاردەی بێدەنگیتان تائەو ڕادەیە هەڵبژاردوە ؟
بۆیە پێویستە حکومەت وپەرلەمان وپارتەسیاسیەکان وتەنانەت ڕێکخراوەکانی کۆمەڵگەی شارستانی و هاوڵاتیانی هەرێم و ڕەوەندی کوردی بەزوویی چەندڕێوشوێنێک بگرنەبەر بۆوەدەرنانی بنکەوهێزەکانی تورکیا ، لەوانە ؛

ـــ حکومەتی عێراق ودامەزراوەکانی بەگشتی و سەرۆک کۆمارە بێدەنگ وڕەنگەکوردەکەی بێ هێنانەوەی هیچ پاساووبەهانەیەک ئیدانەی ئەو لەشکرکێشیەی بکات ، نەک فزەی لێوەنەیەت وتەنها تەماشاکەربێت .
چۆن زوو هاتەدەنگ بۆ دژایەتی بڕیارەکانی ئەنجومەنی نوێنەرانی دژی ساختەکاری ، بالەئێستاشدا زوو بێتەگۆ.

ــ دەبوو حکومەتی هەرێم بەپەلە کونسوڵی تورکیای لەهەولێر بانگهێشت بکردایەو دواین ئاگادارکردنەوەی لەڕێگەی نوێنەرەکەیانەوە لەهەرێم بەتورکیا بگەیەنێت و کاتێکی دیاریکراوی زۆر کورتخایەنیش بۆ کشانەوەی هێزەکانیان دیاری بکات .
ــ پەرلەمانی کوردستان نابێت لەئاست ئەم لەشکرکێشیەو شکاندنی هەیبەتی هەرێم بێدەنگ بێت ، بەڵکو دەبێت بەزوویی بانگەوازی دانیشتنێکی نائاسایی بکات ولانی کەمی داوالەحکومەتی هەرێمی کوردستان بکات فشاری لەسەر دروست بکات کەپابەندبێت بەبڕیاری ژمارە (۳۷) ی بەرواری ۱۲-٥- ۲۰۰۳ی پەرلەمانی کوردستان وجێبەجێیان بکات کەتایبەتن بەکشانەوەو ڕۆیشتنی هەموو بنکەسەربازییەکانی تورکیا کەلەنێو خاکی هەرێمدان و کاتی خۆی بەناوی هێزی ئاشتی پارێزەوە هاتبونە نێو خاکی هەرێم و لەئێستاشدا بنکەکانیان لەچەندین شوێنی جودا ماون.

ـــ پێویستیشە هەموو پارتەسیاسیەکانی باشور ، ڕێکخراوەکانی کۆمەڵگەی مەدەنی کەژمارەیان زیاتر لە سێ هەزار ڕێکخراون بەڕاشکاوی هەڵوێستی خۆیان دەرببڕن دژ بەلەشکرکێشی دەوڵەتی تورکیاو ئیدانەکردنی ،
وەپێویستە دژبەم لەشکرکێشی و سنوربەزاندانەی دەوڵەتانی دراوسێ گردبونەوەو خۆپیشاندانی ناڕەزایەتی گەورەو فراوان لەشاروشارۆچکەکانی باشوری کوردستان ئەنجامبدرێت ، هەروەها ڕەوەندی کوردی دەتوانن لەوڵاتانی دنیا ڕۆڵی کاریگەر ببینن لەدژی ئەم لەشکرکێشیەی دەوڵەتی تورکیا وگەیاندنی تاوانکارییەکان بەدنیای دەرەوە .
وەسەیرو جێگای گومانیشە ڕێکخراوە نێودەوڵەتیەکان و وڵاتانی زلهێز لەوەها لەشکرکێشیەکدا کەبەبەرچاویانەوە ئەنجام دەدرێت بێدەنگیان هەڵبژاردو
ئەم وتارە گوزارشت لە رای نوسەر خۆیەتی و بزاڤ پرێس لێی بەرپرسیار نییە
03/06/2018
بابه‌ته‌کانی تری نوسه‌ر ...
1
زۆرترین بینراو
  • 24 کاتژمێر
  • هەفتە
  • مانگ