وتار
گۆڕان لە ھاوکێشەی گۆڕنکایەکاندا
شاخەوان سەنگاوی
             


لە زۆربەیی کاتەکاندا نادادگەری لە کۆمەلگاو نەشازی لە ئیدارەدان ئیدی خۆویستیبێ یان خۆنەویستی لە پرۆسەی حکومەتداری دەوڵەت یان ھەرێمێکدا دەبێتە ھۆکارێک لە سەر ھەڵدانی دەنگی نارازی ، کە ئەمەش خۆیی لە خۆیدا دەلاقەیەکە بۆ بە گژدا چوونەوەی دەسەلات و سەرھەڵدانی ڕەوتی جیاواز و پارتی نوێ کە لە ھەناوی ئەم دەنگە نارازیانەوە درووست دەبن بە ئامانجی پڕکردنەوەی ئەو بۆشاییە ئیداریی وسیاسیی و دارایی و سەربازی کە پارتە دەسلاتدارەکان نەیانتوانیوە لە ماوەیی چارەکە سەدەیەک لە پرۆسەی حکومەتداری خۆیان ھەوڵی پڕکردنەوەی بدەن بەلایەنی کەم دابەزاندنی سەقفی داواکاریەکانی کۆمەڵگا بۆ نزمترین ئاستی داواکاریی کە ئەمەش ئەرکی سەرشانی حکومەتدارانی ئەو ناوچەیە بەبێ بەخشینەوەی مکرەمەی حزبگەرایەتی خۆیان بە سەر تاکەکانی کۆمەڵگادا . ھەروەک لە ھەرێمی کوردستان ئەگەر گۆڕان بەنموونە وەربگرین کە زادەیی لە دایک بوویەکی پاش ئازاری نارەزایەتیەکانی کۆمەڵگای کوردیی بێت ئەوا دەتوانین ژیانی سیاسی ئەم بزوتنەوەیەش بکەین بە دوو قۆناغەوە . 

قۆناغی یەکەم  لە سەرەتایی درووستبونیەوە لە ٢٥/٧/٢٠٠٩ تا مەرگی ناوادەی نەوشیروان مستەفا رێکخەری گشتی بزووتنەوەکە دەتوانرێت بە چالاکترین قۆناغی سیاسی بزوتنەوەکە دابنریت سەرەڕایی زۆری بەربەستەکانی سەر ڕێگای کەچی  لەم قۆناغەدا گردی زەرگەتە لە گردێکی دارستانیەوە ببوو بە چەقی یەکلایی کردنەوەی مەل ملانیەکان و چارەسەرکردنی کێشەکان  چی لە سەر ئاستی عێراق و بە تایبەتی ھەرێمی کوردستان  چونکە ھەرەمی سیاسی  ئەم بزوتنەوەیە دەیانزای ئەم بزوتنەوەیە لە سەر بەرژەوەندیە ئابووریەکان بنیات نەنراوە وە تاکەکانی خواستە ئابوریەکان پێکەوەیان نابەستێتەوە وەکو پارتەکانی تر ، ھەر بۆیە ڕێکخەری گشتی  ئەو دەمی بزوتنەوەکە  ڕۆژ بە رۆژ لە گەڵ گۆڕانکاریەکانی ناوچەکەدا ھەنگاویی دەنا وە خۆیان بەدوور دەگرت لە پاشکۆیەتی  ، خاوەندارێتییان لە چارەسەری کێشەکاندا دەکر بۆ ئەمەش چەندان  نموونەیەکی روونە لە بەردەستمان کە ناکرێت لە وەھا وتارێکدا ئاماژەیان پێبکرێت  ...

قوناغی دووەم یان قۆناغی متبوون کە لە پاش کۆچی دوای بەڕێز ( نەوشیروان مستەفا) ڕێکخەری گشتی  یەوە دەست پێدەکات بەتایبەتی تر کە دووبارە ئاھێکیان بە بەر خانەی ڕاپەراندن کردەوە کە ئەم خانەیە لە زەمەنی نەشیروان مستەفادا بە تەواوەتی سڕکرابوو کە ئەمە زۆرجار لە لایەن کادرانی ئەم بزوتنەوەیەوە بە خواستی تاک دەسلاتگەری لە لایەن رێکخەری گشتیەوە وەسف دەکرا بەڵام لە ئێستادا دەرئەنجامی کارەکانی خانەی ڕاپەڕاندن ئەو ڕایەیی لە سەر ئەو ھەڵوێستەی ڕێکخەری گشتی تەواو پێچەوانە کردۆتەوە ، چونکە لەم ماوەیی تەمەنیدا لە ئەنجامی ئەو ڕووداوە زۆر زەوەندانەی کوردستان جگە لە بەیان و بەیانکاری سەر کاغەزەکان کە لە لایەن خانەی ڕاپەڕاندن و جڤاتە گشیەوە دەردەچوو خاوەنی ھەڵوێستێکی بۆێرانەو جدی نەبوونە لە سەر کۆیی کەیسەکان لە کات و ساتی خۆیدا  و ھەمیشە لە ھەڵی ئەودابوونە کە کێشەکان بسپێرن بە کۆبونەوە وە کۆبونەوەش بکەن لە پێناو کۆبوونەوەدا ، کە ئەمە ھۆکارێکی گرنگە بۆ خاوکردنەوەی دەنگدەرانی ئەم بزوتنەوەیە وە ئەمەش بەڕونی بە دەرکەت لە ھەڵبژاردنەکانی ئەنجومەنی نوێنەرانی عێراق لە مانگی ئایاردا . بەڵام لە دوای ئەو بەروارەوە دەتوانین بپرسین ئایە خانەیی ڕاپەڕاندن پیاداچونەوەیەکی سسماتیکیانەی بە ھەڵوێستەکانی خۆیدا کردووە بە مەبەستی خۆ گورج کردنەوە بۆ ھەڵبژاردنەکانی کوردستان و دەست خستۆتە سەر برینەکانی خۆیی بە مەبەستی سارێژکردنی و ھەوڵدان بۆ دووبارە گەڕانەوەی ڕۆڵی سەرەکی گۆڕان لە ھاوکێشەی گۆڕانکاریەکاندا ناوچەکەدا  ؟ یان نا ....
                                                                                              

ئەم وتارە گوزارشت لە رای نوسەر خۆیەتی و بزاڤ پرێس لێی بەرپرسیار نییە
16/07/2018
بابه‌ته‌کانی تری نوسه‌ر ...
1