وتار
ھەرگیز ھێندە دڵتەنگ نەبووم
عەلی حمە ساڵح

کۆتاییم ھێنا بەو لێکۆڵینەوەی کەلەسەر ٨٢١ بەڵگەنامە کردم، راپۆرت و بەڵگەنامەکان وێنەی حاکم و حوکمڕان و سەرۆک وەزیرو جێگرو وەزیر و بەرپرس گەلێکم تێدادەبینی، کە تەنیا دزی و روتاندنەوەی میللەت و درۆکردنی تێدا بوو. 
تەواو بۆم روونبویەوە پارەی ھەژارانی ئەم وڵاتە بۆ کوێ چوو کێ دزی. 
چۆن کرا بە پرۆژە، چۆن برایە دەرەوەی وڵات. 
چەند وەزیری ناشرینم دەبینی، بە نوسراوو بڕیارەکانیان زۆر بە زەلیلی لەبەردەم سەرۆکی حکومەت و حزب و بانک و کۆمپانیاکانیان وەستاون و خەریکی ماستاوکردن و دەوڵەمەندکرنیان، خەریکی ھەژارکردنی میللەت و بێ نان و بێ ئاو و قەرزارکردنی میللەتن.١٢ کۆمپانیاو بانک سەرمایەی خەمڵیننراویان گەیشتە ٣٠ ملیار دۆلار، بەچی!!
نەباجی دەخل دەدەن و نەحساب بۆ حکومەت دەکەن. 
حکومەتیش نزیکەی ٢٧ ملیار دۆلار قەرزارە. بۆ قەرزارە؟؟؟؟ بۆ کوێ برا ئەم پارە. 
خودایە، چ ئازارێکە، حاکمەکان خەریکی وێرانکردنی ئێستاو داھاتوومانن، خەریکی کۆکردنەوەی ملیارات دۆلارن ، بەدزینی داھاتی نەوت، داگیرکردنی زوی و فرۆشتنەوەی، تاڵانکردنی داھات، خەریکی کوشتنی میللەتن، کەچی رەعیەتیش خەونی ئەوەی ھەیە وێنەیەکیان لەگەڵ بگرێت. 
ئەم وڵاتە وێرانەو وێرانتر دەبێت، بەرپرسەکانی بەسەرخۆشی و بێ ھۆشی خەریکی تاڵانکاری و قومارن بە ئێستاو ئایندەمان و میللەتیش لەو پەڕی بێ ئاگاییەوە سەما بۆ مەرگی خۆی دەکات.
28/06/2016
بابه‌ته‌کانی تری نوسه‌ر ...
12
زۆرترین بینراو
  • 24 کاتژمێر
  • هەفتە
  • مانگ