وتار
حیزبی فشۆڵ .....
ئــەردەڵان یــاروەیســی

بەوردی تۆزێک تێ بفکرین دەبین لەم هەرێمە پڕ خێره بۆ حیزب و بێ خێــرە بۆ میللەت چی دەگوزەرێت و ئەو هەمووە دروشمـە پوچانەمان بۆ ڕوون دەبێتەوە کە حیزبەکان جکە لە گەوچاندی میلەت و شاردنەوەی ڕووی ڕەشی خۆیان هیچی کەیان پــێ نــیە .. 

حیزبەکان جگە لە قەباغێکی فشۆڵ و ناو پــوچ هیچی کە نین دروستکردنی حیزب لای سیاسیەکان تەنها وەک وەسیلەیەک بۆ خۆ دەوڵەمەند کردنەو بەبێ بوونی هیچ بەهـایەک دەست ئەخەنە گەردنــی نیشتمان و بێ ڕێـزی بەرامبەر هەموو پیرۆزیەکان دەکەن و چی بەهای جوانە تەنانەت بە هاوڵاتیەکان یشەوە دەیخەنە ژێر پێیانەوە بـۆ بەرز بوونەوەی خۆیان..

کاری حـیزبەکان بریتیە لە پێدانی بەڵێنی ناڕاست و دروستکردنی تاقمێک کۆیلەو بەرژەوەندی خواز فیرودانی خەڵک کە لە واقیعدا سیاسیەکان خۆیان جگە لە کۆمەڵێک لەمشەخۆر بەسەر سەری میللەتەوە هیچــی کەنیــن خاوەنی دوو کاری جوانین و سەراپایان پــڕە لەشەرمەزاری بۆ خۆیان و کۆمەڵگەکەیان ـ

بۆیە کارێکی ئاسانە درۆکردن و پەیڕەویکردن یان درێژەدان بە سیاسەتێکی چەوت جونکە خودی ساسیەکان داماڵڕاون لە گشت پێوەرە ئەخلاقی و مرۆڤ بوونیەکان و ئامادەن بۆ هەموو پلان گێڕی و ڕێکەوتنێک و یاری کردن بە چارەنوسی خاک و خەڵک لە نێوان خۆیــاندا تەنها لە پێناو مانەوەیان.

بۆیە ئەم حیزبانەی لەم هەرێمەی ئێمەدا هەیە جگە لە درێژەدان بە دەسەڵاتی خێڵەکی و بنەماڵەی هیچی کەنین و سەرجەم بنەمای کارکردنیان لەسەر لایەنی عەشرەتگەراو خێڵەکی بنیاد ناوە بۆ دەرباز بوون لەوفۆڕمە و خۆڵ خستنە چاوی خەڵکی کۆمەڵێک کۆیلەو بەکرێ گیراو نیشاندەدەن هەربۆیە لە چوارچێوە لۆکاڵیەکە ماونەتەوە توانای جیهان بینیان نیەو بە فشۆڵی دەمێنەوەو ناتوانن ببن بە حیزبێکی گڵۆباڵ ...
ئەم وتارە گوزارشت لە رای نوسەر خۆیەتی و بزاڤ پرێس لێی بەرپرسیار نییە
23/09/2018
بابه‌ته‌کانی تری نوسه‌ر ...
1
زۆرترین بینراو
  • 24 کاتژمێر
  • هەفتە
  • مانگ