وتار
پارتی، بە ٥٠ بە ٥٠ رازی نیە
عەلی حمە ساڵح

ھەندێک بەرپرسی یەکێتی، باس لەوەدەکەن کە حوکمڕانی ٥٠ بە ٥٠ لەگەڵ پارتی دەکەن، بەڵام بەھیچ شێوەیەک نە باسی ٥٠ بە ٥٠ کراوە، نە پارتیش پێیڕازیە. 
پارتی بەردەستی دەوێت و بەداخەوە ھەندێک برادەر بەم بەردەستیە ڕازین. 
پارتی ھیچ نادات چونکە: 
١- پارتی، سەرۆکی ھەرێم نادات کە بەرپرسی ھێزە چەکدارەکانە، جێگرێکی بێ دەسەڵات دەدات بە یەکێتی. 
٢- پارتی، سەرۆکی حکومەت نادات و جێگری بێ دەسەڵات دەدات. 
٣- پارتی راوێژکاری ئەنجومەنی ئاسایش نادات. 
٤- پارتی فەرمانگەی پەیوەندییەکانی دەرەوە نادات. 
٥- پارتی فایلی ئابوری نادات، کە سامانەسروشتییەکانەو دارایی دەدات کە لەبەردەستی وەزارەتی دارایدایە. 
٦-پارتی، سەرۆکی پەرلەماندەدات بەمەرجێک لە سیاسەتی پارتی دەرنەچێت. 
واتە: پارتی ھێزی چەکدار، ھێزی ئەمنی، سەرۆکی ھەرێم و حکومەت و ئابوری و پەیوەندییەکانی دەرەوەی لابێت. 
ئەمەی چەند بەرپرسێکی یەکێتی دەڵێت: ٥٠ بە ٥٠ تەنیا بۆ شاردنەوەی ئەو تەنەزولە گەورەیە. 
کاتێک ئێمە ویستمان لە پەرلەمانەوە، ئەم حوکمڕانیە موتڵەقەی پارتی و بە پارتیکردنی ھەموو حوکمڕانی بگۆڕین، پارتی پەرلەمانی داخست. 
ئێستا، پارتی پرۆژەی بە پارتیکردنی کۆی حوکمڕانی ھەیە، پرسیار ئەوەیە کێ ھاوکاریەتی.
26/01/2017
بابه‌ته‌کانی تری نوسه‌ر ...
12
زۆرترین بینراو
  • 24 کاتژمێر
  • هەفتە
  • مانگ