Bzavpress ||

زەنگێک بۆ بێداربوونەوە لە غەفڵەت
تـــــــەرزە فائق

مەملەکەتی شەیتان, کتێبێ سێیەم, زنجیرەی ٧٣
ماکوان کەریم

مەلەکەتی شەیتان، کتێبی سێییەم، زنجیرەی ٦٩
ماکوان کەریم

نوسه‌ران

با ئیسلامخوازان له‌ فاروق رفیقه‌وه‌ فێر ببن ....!!

عبدالرحمن محمدعارف‎ ‎

بێ خه‌میی و زۆرجاریش شه‌رمۆكه‌یی و هه‌ندێك جاریش شه‌رمه‌زاری ده‌خوێنمه‌وه‌ له‌ روخسارو روانینی زۆرینه‌ی به‌ نوخبه‌ كراوه‌كه‌ی ئیسلامخوازان كه‌ هه‌ر چۆن له‌ ئیسلامه‌كه‌ ده‌دوێن و به‌هه‌ررێگایه‌ك (ته‌خشان) و (په‌خشان)ی فیكرو فه‌رهه‌نگی موسڵمانانه‌ ده‌كه‌ن من له‌ ماڵی خۆمه‌وه‌ هه‌ست به‌ ترسی داهاتوو و تلانه‌وه‌ی ده‌روونی ده‌كه‌م!، كه‌ به‌ هه‌ناوێكی ساردو هه‌ناسه‌یه‌كی كزۆڵانه‌و هه‌نگاوێكی له‌رزۆكانه‌وه‌ ئیسلامێك ته‌رح و شه‌رح ده‌كه‌ن سیمایه‌كی سیلاویی لێوه‌ ده‌بینرێت و دڵ لێی راده‌كات و فیكر لێی ده‌ته‌وسێته‌وه‌و رۆح پێی ماندوو شه‌كه‌ت ده‌بێت!. ده‌ی ئه‌وه‌ ئیسلامی خودایه‌ یان پاش ماوه‌ی تێك شكانی ده‌روونیی و پاشخانی هه‌ره‌سی رۆحیی و نسكۆی فیكرو پاشه‌رۆی گه‌نده‌ڵیی دیدو دیده‌نیمانه‌ له‌ته‌ك ژیان و گه‌ردوون و مرۆڤ سازیی و باری راسته‌قینه‌ی ئیسلامه‌تیدا؟؟!!.
باشه‌ ئه‌و نوخبه‌ خۆ به‌ نوخبه‌زانه‌ بۆ گوێیه‌ك له‌ فاروق ره‌فیق ناگرن كه‌ بێشه‌رم و بێترس و به‌ هه‌موو متمانه‌یه‌كه‌وه‌ به‌ربووه‌ته‌ گیانی ئیسلام و ئیسلامه‌تی بۆ نمونه ده‌ڵێت : ئیسلام ئه‌وپه‌ری به‌ربه‌رییه‌ته‌ یان ئێژێت : داعشه‌ كۆنه‌كان له‌ كابینه‌ی هه‌شتن، هه‌روه‌ها نابێت گفتۆگۆی ده‌قی دینی بمێنێت به‌ڵكو به‌ عه‌قڵ ده‌بكه‌ین، هه‌متر ده‌ڵێت : ئبسلام دینی ده‌شته‌ و ئه‌ویش جاران و هیچ په‌یوست نیه‌ به‌شاره‌وه‌، ئه‌نجا : ئه‌خلاق له‌ دیندا نیه‌!. و ناشبێت به‌ هیچ شێوه‌یه‌ك شه‌ریعه‌ت رۆڵی هه‌بێت له‌ هیچ كایه‌یه‌كدا، زۆر په‌لاماریتر كه‌ شوێنی نیه‌ ئێستا . بۆ ئه‌و نوخبه‌ داماوه‌ ئیسلامییه‌ به‌ ده‌نگی به‌رزو ئاوازێكی نێرانه‌وه‌ ناڵێن : عه‌لمانیه‌ت سه‌ره‌تانی یه‌كه‌می ناو گه‌لانی موسڵمانه‌، عه‌لمانیه‌كان سیلاویترینی مرۆڤی ئه‌و ناوچه‌یه‌ن، هیچ وه‌ك عه‌لمانیه‌ت نه‌بووه‌ته‌ ئافات و نه‌بووه‌ته‌ ده‌ردو مێژووو واقیعی ئێمه‌ی تاڵان نه‌كردووه‌، هه‌ر عه‌لمانیه‌ته‌ ئێستاش ده‌یه‌وێت ماڵی كورد بكاته‌ سه‌ربه‌شی ماڵانی ئێران و توران و رۆژئاواو هه‌ر ئه‌وانن ده‌یانه‌وێت زمان و ئه‌خلاق و نه‌ریتی كوردانه‌و ئایین و ئایینده‌مان و خاك و نیبشتمانمان بده‌نه‌ ده‌ست كۆمپانیا زه‌به‌لاحه‌كانی جیهان كه‌ هه‌ر یه‌كه‌یان نوێنه‌رایه‌تی رژێمێكی ئیستیعماری ده‌كات ؟؟!!. ده‌ی ده‌نگێ هه‌ڵبرن و تۆزێك شانازیی و شكۆتان لێ ببارێت بۆ ئه‌و ئیسلامه‌ی -بۆ خۆتان هه‌ناسه‌تان لێبریوه‌- هه‌ندێكتانی قه‌ڵه‌و كردووه‌و هه‌مووشتان به‌ ته‌مان له‌ ریزی یه‌كه‌می ئاده‌میه‌كانابن له‌ قیامه‌تا !!.

به‌روار: 12/05/2015

بینین: 1377