هەواڵ

وادەى ڕاگەیاندنی نمرەی خولی دووەمی خوێندکارانی ١٢ ی ئامادەیی هەرێم ڕاگەياندرا


بزاڤ پرێس:

وەزارەتی پەروەردەی حکومەتی ھەرێمی کوردستان ڕایگەیاند، سبەینێ نمرەی خولی دووەمی پۆلی ١٢ ی ئامادەیی ڕادەگەیەنێت.

لە ئاگادارییەکی وەزارەتی پەروەردەی حکومەتی ھەرێمدا کە ئەمڕۆ ٣١ ی ئابی ٢٠١٦ بڵاوکراوەتەوە، تێیدا ئاماژە بۆ ئەوەکراوە، سبەینێ وەڵامی تاقیکردنەوەکانی خولی دووەمی خوێندکارانی پۆلی ١٢ بە ھەردوو بەشی زانستی و وێژەییەوە بە پرسیارەکانەوە بڵاودەکرێنەوە، بۆ ئەوەی خوێندکاران ئاگاداری چۆنیەتی وەڵامدانەوەی خۆیان بن.

ڕاگەیاندنی نمرەی خولی دووەمی تاقیکردنەوەکان لە کاتێکدایە لە ڕۆژی ١٢ ی تەمووزی ٢٠١٦ دا ئەنجامی تاقیکردنەوەکانی خولی یەکەمی قۆناغی نۆی بنەڕەتی و ١٢ ی ئامادەیی لەلایەن وەزارەتی پەروەردەوە ڕاگەیەندرا، ھەروەھا ساڵانەش بەشێک لە خوێندکاران چەند تاقیکردنەوەیەکی پۆلە کۆتاکان بۆ خولی دووەم دەھێڵنەوە بەمەبەستی بەدەستھێنانی نمرە.


‌‌‌
8/31/2016 4:49:51 PM
Print Friendly and PDF