هەواڵ

مەسعود عەبدولخالق: پارتی دەیەوێت لەھەولێر دەرمانبکات


بزاڤ پرێس:

خاوەنی دەستگای ستاندارد دەڵێت" لەماوەی یەک مانگدا سێ تۆمەتیان دراوەتە پاڵ کە سەرجەمیان تۆمەتی بێ بنەمان‌و سەرجەمیان یەک سەرچاوەیان ھەیە.

خاوەنی دەستگای ستاندارد مەسعود عبدولخالق بەئاوێنەی ڕاگەیاند: لەماوەی دەست بەکاربونامەوە پانزە تۆمەتمان دراوەتە پاڵ. بەردەوام چوینەتە بەردەم دادگا‌و حاکم. تۆمەتەکان لەجێگەی جیاجیاوە ئاڕستەمان دەکرێن‌و سەرجەمیان یەک ئامانجیان ھەیە: مەبەستیان بێزارکردنی ئێمەیە، دەیانەوێت وازبھێنین بەڵام ئێمە بەردەوام دەبین".
 
ووتیشی" تۆمەتەکان جۆراوجۆرن‌و جیاوازن. ئەو سێ تۆمەتەی دراوەتە پاڵمان یەکەمیان چەند کەسانێکی سەلەفین لەناو بزوتنەوەی ئیسلامی‌و نزیک لەدەسەڵات بەبیانوی کتێبێک کە دوساڵ پێش ئێستا بڵاوکراوەتەوە. سکاڵای دوەم لەلایەن وەزارتی پێشمەرگەوە بوە گوایە ئێمە ھاوکاری داعشمان کردوە! ھەرچی سکاڵای سێھەمیشە، سکاڵای سەرۆکی ھەرێمەو ھێشتا نەگەشتۆتە دەستمان".

راشیگەیاند" خەڵکانێک لەدادگا دەزانن ھۆکارەکە سیاسییە، ھەر بۆیە مامەڵەیەکی باشدەکەن‌و زۆربەی زۆریان بێلایەنانە کارەکانیا دەکەن. چەندین پارێزەری خۆبەخش، خۆبەخشانە کارەکانمان بۆ دەکەن‌و کاری پارێزەریمان بۆ دەکەن. تا ئێستا چەندین کەیسی دادگا لەلایەن پارێزەروکانمان یەکلایی بۆتەوەو ئەو تۆمەتانەمان لەسەرنەماوە".

ئاماژەشی بەوەکرد، لەئێستادا لەھەولێر دەستگای ستاندارد بینای نادرێتی بۆ جێبەجێ کردنی کارەکانی. ئەو وتی “خاوەنی ئەو بینایەیان دۆزیبۆوە کە ئێمەی تێدا بوین بەکرێ، ھەڕەشەیان لێکردبو و ئاگاداریان کردبو کە دەرمانبکات. دواجار ئێمەیان لەبیناکە دەرکرد، تا ئێستا لە ھەولێر بینامان نادەنی بۆ کرێ. پارتی دەیەوێت لەھەولێر وازبھێنین‌و دەرمانبکات".


‌‌‌
9/12/2017 11:48:50 AM
Print Friendly and PDF