راپۆرت

یەکێتی نیشتیمانی، لەدوێنێوە حەوت بەیاننامەی بڵاو کردوەتەوە


بزاڤـ پرێس:

یەکێتی نیشتمانی لەماوەی کەمتر لە ٢٤ کاتژمێردا، لەبارەی دواخستنی ڕیفراندۆمەوە حەوت پەیام و ڕاگەیەنراوی بڵاو کردوەتەوە.

کرانەوەی دەرگای بنکەکان کەمتر لە ١٦ کاتژمێری ماوە بکرێتەوە بەروی دەنگدەران بۆ ئەنجامدانی ریفراندۆمی بریارلێدرواوەکەی ھەرێمی کوردستان.

تادێت لە ساتەوەختی ئەنجامدانی ریفراندۆم نزیک دەبینەوە وتادێت جموجۆڵەسیاسییەکان  لەنێوان لایەنەکان زیاتر دەبێت، لەو سەروبەندەدا لە ماوەی کەمتر لە ٢٤ کاتژمێری رابردودا، یەکێتی نیشتمانی کوردستان حەوت راگەیەنراوی بەئاراستەی دواخستن و ئەنجام نەدانی ریفراندم بڵاو کردوەتەوە.

بەگوێرەی ئەو بەیاننامە و پەیامانەی ئەندامان وئۆرگانەکانی یەکێتی نیشتمانی بڵاویان کردوەتەوە ئەوان پێیان وایە پێویستە گوێ لە داوای وڵاتانی زلھێز وناوچەکە ونەتەوە یەکگرتووەکان بگرێت بۆ دواخستنی ریفراندۆم و ئەنجامدانی گفتوگۆ لەگەڵ بەغداد.

پەیام و بەیاننامەکانی یەکێتی کەبڵاو کردوەتەوە ئەمانەن:
١- بەیاننامەی مەکتەبی رێکخستن
٢- ڕاگەیەنراوێک لەپەیجی پاڤڵ تاڵەبانی کوری جەلال تاڵەبانی سکرتێی یەکێتی ولابردنی بەماوەیەکی کەم لەتۆرەکۆمەڵایەتییەکان
٣- ڕاگەیەنراوێک لەئەنجومەنی سەرکردایەتی کەرکوک
٤- ڕاگەیەنراوێک لەنوسینگەی راگەیاندنی لاھور جەنگی
٥- ڕاگەیەنراوێک لەلایەن مەلابەختیار لێپرسراوی دەستەی کارگێڕی مەکتەبی سیاسی
٦- ڕاگەیەنراوێک لە ئەنجومەنی ناوەندی 
٧- پەیامێک لەلایەن حاکم قادر حەمەجان ، ئەندامی مەکتەبی سیاسی یەکێتی

بەتێڕوانین لە و بەیاننامەو ڕاگەیەندراوانەی ئەندامان وئۆرگانەکانی یەکێتی، بەئاشکرا ئەو حیزبە داوای دواخستنی ریفراندۆم دەکات وداوادەکات بە بەدیلی وڵاتانی زلھێز ڕازی ببن.

بەشێک لەراگەیەنراوەکانی یەکێتی بەدیاری کراوی باس لە ئەنجامدانی پرۆسەکەی کردوە لەکەرکوک و بە خەتەر بۆ سەر ئایندەی ئەو شارەی وەسف کردوە وداواکراوە تەنھا لەکەرکوک دوابخرێت، لەلایەکی تریشەوە ھەندێک لەبەیاننامەکان ولایەنەکانی ناویەکێتی پێی وایە ئەگەر ریفراندۆم لەکەرکوک نەکرێت پێویستە بەتەواوی لە ھەرێمیش ئەو ریفراندۆمە دوابخرێت.

ھەردوێنێش یەکێتی نیشتمانی بڵاوی کردەوە بەشداری کۆبونەوەکەی لایەنە سیاسییەکانی کەرکوکیان نەکردووەو پێیان وایە پێویستە ریفراندۆم دوابخرێت لەکەرکوک و ناوچە جێناکۆکییەکان

ئەم بەیان وپەیامانەی یەکێتی لەکاتێکدایە، یەکێتی ئەندامە لەئەنجومەنی باڵای ریفراندۆم ولەئێستادا سەعدی ئەحمەد پیرە ئەندامی مەکتەبی سیاسی ئەوحیزبە لەگەڵ وەفدی ئەنجومەنەکەیە بۆ گفتوگۆکردن لەگەڵ بەغداد

لەلایەکی تریشەوە لەماوەی رابردودا سەرکردەکانی یەکێتی چەندجارێک لەگەڵ بارزانی بەشداربوون لەکەرنەڤاڵی پشتگیریکردنی ڕیفراندۆم و ئەنجامدانی ئەو پرۆسەیان کردووە.

ھـ.ج


‌‌‌
9/24/2017 3:38:00 PM
Print Friendly and PDF