هەواڵ

پەرلەمانتارێکی گۆڕان: حکومەتی هەرێم نازانێ ژمارەی موچەخۆران وفەرمانبەرەکانی چەندە



بزاڤ پرێس: هۆشیارجەمال

پەرلەمانتارێکی گۆڕان هیچ کاتێک بۆ کۆبوونەوەی پەرلەمان لەسەر پرۆژەیاسای چاکسازی خانەنشینی و مووچەو دەرماڵە و بەخشین و ئیمتازەکان لە هەرێمی کوردستان دیاری نەکراوە،و ناشزانرێ بەپەسەندکردنی چەند داهات دەگەرێتەوە بۆ خەزێنەی گشتی.

عبدولرەحمان عەلی ئەندامی پەرلەمانی کوردستان لە فراکسیۆنی گۆڕان لە لیدوانێکی تایبەتدا بۆبزاڤ پرێس ڕایگەیاند: کە تائیستا دیارینەکراوەچ ڕۆژێک کۆبوونەوەی پەرلەمان دەبێت لەسەر ئەو یاسایە وتیشی دەبێت ٤٨ کاتژمێر پێش هەر دانیشتنێکی پەرلەمان بەپێی پەیڕەوی ناوخۆی پەرلەمان لەلایەن سەرۆکایەتی پەرلەمانەوە بەفەرمی بانگەوازوبانگهێشت بکرێت بۆسەرجەم ئەندامانی پەرلەمان و دیاریکردنی کارنامەی دانیشتنەکەش . بەڵام تائێستا هیچ وادەیەک دیارینەکراوە بۆ هیچ کۆبونەوەیەکی نێو هۆڵی پەرلەمان".

سەبارەت بەوەی کە پەسەندکردنی ئەم پرۆژەیاسایە دەبێتە هۆی گێرانەوەی چەندێک داهات بۆ خەزێنەی گشتی ئەو ئەندام پەرلەمانە وتی هەتا پرۆژەیاساکە نەخرێته بەرنامەی کارو گفتوگۆی لەسەرنەکرێت نازانرێت کەئایا چەند پارە دەگەڕێتەوە بۆخەزێنەی حکومەت".
 
وتیشی بەڵام لەڕاستیدا حکومەت وبەرپرسانی باڵای ئەم حکومەتە لەماوەی چارەکە سەدەی ڕابردودا بەتایبەت دوای پرۆسەی ئازادکردنی عێراق و هاتنی پارەی خەیاڵی وبودجەی زەبەلاح بۆ هەرێم هێندە کاری نائاسایی ونائیداری ونایاساییان کردوە کەبەدەیان ملیارد دینار بەشێوەی نایاسایی بەهەدەردراوەو هەزاران و دەیان هەزاریش خەڵکی هەربەنایاسایی خانەنشین کراون ،کەبونەتە بارێکی قورس بە سەربودجەی هەرێم و فەرمانبەرانی شایستەوحەقیقی هەرێم".

ئاشکراشی کرد کە دەتوانم ئەوەش بڵێم کەتائێستاشی لەگەڵدا بێت نە ئەنجومەنی وەزیران و نە وەزارەتی دارایی بەدەقیقی نازانن ژمارەی موچەخۆران وفەرمانبەرانی هەرێم چەندە  بەتایبەت ناڕوونی زۆرهەیە لەسلکی هێزەکانی پێشمەرگەو هێزەئەمنیەکان".


‌‌‌
1/3/2018 3:01:43 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ