هەواڵ

١٤ چواردە ڕاوچی دەستگیرکران


بزاڤ پرێس:

مەفرەزەکانی بەڕێوەبەرایەتی پۆلیسی دارستان، لەماوەی ٧٢ کاتژمێری ڕابردوودا توانیویانە ١٤  چواردە سەرپێچیکار دەستگیربکەن و دەستبگرن بەسەر چەند کەل و پەلێکی سەرپێچیکارندا و ڕەوانەی دادگا یان بکەن.

لەو بارەیەوە عقید ھێمن کمرخان: بەڕێوەبەری راگەیاندن لەبەڕێوەبەرایەتی پۆلیسی دارستان وژینگەی سلێمانی ڕایگەیاند : لەپێناو پارێزگاریکردن لە ئاژەڵ و باڵندە کێویەکان و پاراستنی سروشت و ژینگەی کوردستان مەفرەزەکانمان لەسەرجەم بەش و بنکەکان  بەردەوامیان ھەیە و لەماوەی سێ ڕۆژی ڕابردوودا چەند دەرچونێکی مەیدانی و کێوماڵیان ئەنجامداوە و لەسنورەکانی بەشی پۆلیسی دارستان و ژینگەی ( قەرەداغ و بنکەی سێوسێنان و بەشی دەربەندیخان و بنکەی باوەخۆشێن و بەشی پێنجوێن ) توانیوانە ١٤ چواردە سەرپێچیکار لەسەر دیاردەکانی ڕاوکردن دەستگیربکەن و ھاوکات دەست بگرن بەسەر چەند کەل و پەلێکی وەک ( ٩ نۆ دەستە داو + ٥ پێنج تاپڕ + ٥٨ پەنجا و ھەشت گولە تاپڕ + ١ یەک دووربین + ١  یەک ئۆتۆمبێل + ١ یەک چەقۆ + ٢ دوو کیسە خەو + ٢ دوو کۆڵە پشت ) لەگەڵ ئەوەشدا دەستگیراوە بەسەر ٢ دوو کەوی زیندو لەگەڵ ٢ دوو باڵندەی کێوی زییندو لەجۆری خورما خۆرە".

ئاماژەی بەوەکرد، کە تۆمەتبارەکان  خۆیان و  کەرەستەکانیان  ڕووبەڕوی یاساکرانەوە  و جەختی لەوەکردەوە کە لەپێناو پاراستنی سروشت و ژینگەی کوردستان دا پێویستە ھەموان  پابەندبین بەڕێنمایە کانی پۆلیسی دارستان".  


‌‌‌
2/6/2018 11:59:15 PM
Print Friendly and PDF