هەواڵ

پۆلیسی سلێمانی و گەرمیان پلانی رۆژانی جەژنیان ڕاگەیاند


بزاڤ:


 به‌ڕێوه‌به‌رایه‌تی پۆلیسی پارێزگای سلێمانی و پۆلیسی گەرمیان پلانی هێزه‌كانیانی بۆ پاراستنی سه‌روماڵی هاوڵاتییان بۆ رۆژانی جه‌ژنی ره‌مه‌زان راگه‌یاند و داواش له‌ هاوڵاتییان دەکەن له‌كاتی بوونی هه‌ر رووداوێك په‌یوه‌ندییان پێوه‌ بكه‌ن.

لە ڕاگەیاندڕاوێکدا پۆلیسی سلێمانی ئاماژەی بە ئەوە کرد، لەپلانێكی ئەمنیدا سەرجەم ڕێكارەكان دەگیرێتەبەر بۆ پاراستنی سەروماڵی هاوڵاتیان و سەرجەم هێزەكانیشی دەخاتە حاڵەتی ئامادەباشی زیاترەوە.

هەر لە ڕاگەیاندراوەکەدا ئەوەش هاتووە، هێزەكانی پۆلیسی پارێزگای سلێمانی لەسەرجەم كۆڵان و شوێنە گشتییەكان بونیان دەبێت بۆ پاراستنی سەروماڵی هاوڵاتیان و بەهاناوەچونیان لەبونی هەر حاڵەتێكی نەخوازراو.

هەر لە ڕاگەیاندراوەکەدا بەڕێوەبەرایەتی پۆلیسی پارێزگای سلێمانی داوا لەسەرجەم هێزەكانی دەكات كە هەوڵی زیاتر بدەن بۆ بنەبڕكردنی دیاردەی تەقەمەنی و دەمانچەی مورو یارییە رێگەپێنەدراوەكان كە دەبێتە هۆی بێزاری هاوڵاتیان لە رۆژانی جەژندا.

بەرێوەبەرایەتی پۆلیسی پارێزگای سلێمانی داواش لە هاوڵاتیان دەکات، لە بونی هەر حاڵەتێكی نەخوازراو دەستبەجێ پەیوەندی بكەن بە هێڵی گەرمی (١٠٤) بەشی پۆلیسی فریاكەوتن و (١٠٥) بەشی پۆلیسی نەهێشتنی تاوان.

هاوکات هەر ئەمڕۆ پۆلیسی گەرمیانیش ڕاگەیاندراوێکی بڵاوکردەوە ڕایگەیاند" داوا لە دوکان و سۆپەرمارکێتەکان دەکەن لەبەر بەرژەوەندی گشتی خۆیان بەدووربگرن لە فرۆشتنی یاری ئاگرینی منداڵان بۆ ئەوەی هیچ لایەک زیانی بەرنەکەوێت،  بەپێچەوانەوە هەر دوکاندارێک یاری ئاگرین بفرۆشێت دەست بەسەر کەرەستە ئاگرینەکانیدا دەگیرێت، دوای داخستنی دوکانەکەی خاوەن دوکانەکەش دەستگیردەکرێت، ڕوبەڕوی یاسا دەکرێتەوە.


‌‌‌
6/14/2018 1:55:19 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ