هەواڵ

پارتی: پێویستە پەرلەمان و حکومەتێکی نوێ لە هەرێم پێکبێت


بزاڤ :

پارتی دیموکراتی کوردستان ڕایگەیاند، پێویستە حکومەت و پەرلەمانێکی نوێ لە هەرێم پێکبێت و پێیان وایە ئێستا گونجاوە بۆ ئەنجامدانی هەڵبژاردن.

ئەمڕۆ پارتی و گۆڕان لە سلێمانی کۆبوونەوە و لە کۆنفرانسێکدا مەحمود محەمەد وتەبێژی پارتی وتی "بە پرس و ڕای لایەنەکان کاتی هەڵبژاردن دیاریکراوە و پێمان وایە کەشوهەوا گونجاوە بۆ ئەنجامدانى."

هەروەها وتیشی "دەبێت لەگەڵ گۆڕان لەیەک نزیک بین."

ئاماژەی بەوەش کرد، پەیوەندییەکانى پارتى و گۆڕان کاریگەری دەبێت لەسەر ڕووداوەکانى هەرێم.

لەلایەکی دیکەوە شۆڕش حاجی وتەبێژی گۆڕان ڕایگەیاند "بە ڕاشکاوی بە پارتیمان وت کە کەشى هەڵبژاردن لە هەرێمی کوردستان نالەبارە."

وتیشی "پێمان باش نییە لە ئێستادا هەڵبژاردن بکرێت."

وتیشی "پارتى و گۆڕان دوو هێزی سەرەکین و پێویستە کاری هاوبەشمان هەبێت لەسەر پرسەکان."

لە وەڵامی ئەم قسانەی شۆڕش حاجیدا، مەحمود محەمەد وتی "لە داواکارییەکانی گۆڕان تێدەگەین بۆ دواخستنى هەڵبژاردن و کۆبوونەوەى زیاتر دەکەین."


‌‌‌
9/4/2018 2:50:38 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ