هەمەڕەنگ

حەسیب شێخ سەدرەدین: گەنجان سەروەتێکی گەورەی نیشتمانین پێویستە ئاوڕی زیاتریان لێ بدرێتەوە




بــزاڤـــ: پەیوەست بەرزنجی

حەسیب شێخ سەدرەدین یەکێکە لەو گەنجانەی کە خولیاو خواستێکی کەورەو زۆری هەیە بۆ کاری خێرخوازی و هاوکاریکرنی گەنجان و هەوڵدان بۆ فەراهەمکردنی هەلی کار بۆ ئەو کوڕو کچانەی زانکۆو پەیمانگا تەواو دەکەن.

لەدیمانەیەکی تایبەتدا بۆ ماڵپەڕی بـزاڤ، حەسیب شێخ سەدرەدین ئاماژە بە هەوڵ و چالاکییەکانی دەکات و دەڵێت: حەزو خولیای کاری خۆبەخشی و هاکاریکردنی گەنجان و خوێندکاران لەدەرونیدا گەشەی کردووە، بۆیە هەر لەتەمەنێکی زووەوە دەستی کردووە بە کارو پڕۆژە خێرخوازییەکانی و هاریکاری ئەو کەس و شوێنانەی کەپێویستیان بەدەستگیرۆیی و ئاوڕلێدانەوە هەبووە.

ئەم گەنجە خۆبەخشە باس لەوەش دەکات کە لەڕێگەی کارەکانییەوە توانیوێتی هاوکاری دروستکردن و نۆژەنکردنەوەی چەندین مزگەوت و خوێندنگەو پڕۆژەی ڕێگەوبانی لەسنوری دێلێژەو بازیان  بەردەقەرەمان و تەکیەو چەمچەماڵ کردووە.

حەسیب شێخ سەدرەدین تیشکیش دەخاتە سەرئەوەی کە حەزو خولیاکانی بۆ هاوکاریکردنی خەڵکی زۆر لەوە زیاترە کەتاکو ئێستا هەنگاوی بۆناوە، بۆیە لەهەوڵ و چالاکییەکانی لەڕێگەی جیاوازەوە بەردەوامەو بەردەوام لەخەمی هاوکاریکردنی هاونیشتمانیانی خۆیدایە بەتایبەتیتوێژی گەنجان.

ناوبراو ئەوەش ئاشکرا دەکات لەبەرامبەر کارەخێرخوازییەکانی لەلایەن بەڕێوەبەرایەتییەکانی پەروەردەو چەند ناوەندو ڕێکخراوێکەوە خەڵاتی ڕێزلێنانی پێ بەخشراوەو بەسەرکراوەتەوە.

حەسیب شێخ سەدرەدین ئاماژە بەوەشدەکات، گەنجان و لاوان توێژێکی گەورەو گرنگ و پڕ وزەو زیندوی کۆمەڵگەن، سەروەتێکی نیشتمانی گەورەن، بۆیە ناکرێت پەراوێزبخرێن، پێویستە حکومەت ئاوڕی زیاتریان لێبداتەوەو پڕۆژەی تایبەتی بۆ گەنجان هەبێت.


‌‌‌
10/21/2018 4:17:22 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ