هەواڵ

کەشناسی نزمترین پلەی گەرمای ناوچەکانی هەرێمی لەبەرەبەیانی ئەمرۆدا بڵاوکردەوە


بزاڤــ:

بەرێوەبەرایەتی گشتی کەشناسی و بومەلەرزەزانی هەرێمی کوردستان نزمترین پلەی گەرمای ناوچەکانی هەرێمی لە بەرەبەیانی ئەمڕۆ بڵاوکردەوە، تێیدا ناحیەی حاجی ئۆمەران سەر بە قەزای چۆمان لە سنوری پارێزگای هەولێر نزمترین پلەی گەرمای تێدا تۆمارکراوە کە ١١- یە.

 کەشناسی ئاماژەی بەوەشکردووە، پلەی گەرمای سەنتەری شارەکان نزمترین پلەی تۆمارکردووە لە ئەمساڵدا بە جۆرێک لە هەولێر پلەی گەرما سفر بووە، لە سلێمانی ٣- و لە دهۆک ٢- و لە هەڵەبجە١- و لە کەرکوکیش پلەی گەرما سفر بووە.

هاوکات بەڕێوەبەرایەتی گشتی کەشناسی پێشبینیەکانی کەشوهەواى ئەمڕۆ پێنجشەممەی بڵاوکردەوەتەوە و رایگەیاند، ئاسمانی ئەمڕۆ سارد و ساماڵ دەبێت و لە کاتەکانی شەودا دەگۆڕێت بۆ پەڵە هەور.

 لە دوو ڕۆژی ڕابردوودا شەپۆلێکی باران و بەفر بارین ڕووی لە ناوچەکانی هەرێم کردووە و بەهۆی بارینی بەفرێکی زۆرەوە لە بەشێکی لە ناوچە شاخاوییەکان ئاستەنگی هاتوچۆ دروستبوو.


‌‌‌
1/10/2019 11:42:21 AM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ