#بەڵگەی_دیزاین
موحەمەد عبدالعزیز
#بەڵگەی_دیزاین
موحەمەد عبدالعزیز
قورئان و شیعر ..
ماکوان کەریم
   مێژووی ئیسلام
  ساڵیادی لەسێدارەدانی سەید قطب
.


لەڕۆژێکی وەک ئەمڕۆدا ( ٢٩/ ٨/ ١٩٦٦) ڕژێمی میسر لەترسی فیکرو بۆچوونەکانی، زاناو بیریار و ڕۆشنبیر و نووسەری گەورە (سید قطب) ی لەسێدارەدا.

کورتەیەک لە ژیانی سه‌یید قوتب خوای گەورە پلەی شەهیدی پێ بدات:

* ناوی (سه‌یید) كوڕی (قطب)ى كوڕی (ئیبراهیم)ه‌.. باپیره‌ی پێنجه‌می له‌ هینده‌وه‌ هاتووه‌.

* ساڵی ۱۹۰٦ ز له‌گوندی (موشا)ی شاری (ئه‌ سیوط)ی میسر له‌دایك بووه‌.

* پێش ته‌مه‌نی (۱۰ـ ده‌) ساڵان قورئانی پیرۆزی له‌به‌ركردووه‌.

*باوكی له‌ریزی (الحزب الوطنی) ئه‌وكاته‌ی میسردا كاری سیاسی ئه‌نجام داوه‌.

* قوتابخانه‌ی ناوه‌ندی له (تجهیزیة دار العلوم) و (دار العلوم)ی باڵای له‌ (قاهیره‌) ته‌واو كردووه‌.

* دوای ته‌واوكردنی خوێندن، نووسینه‌كانی له‌ گۆڤاری (اڵاهرام، اڵاسبوع، الرسالة، الشرق الجدید، العالم العربی)دا بڵاوده‌كرده‌وه‌.

* ژنی ماره‌كرد، به‌ڵام زیندان بواری گواستنه‌وه‌ی نه‌دا.

* ساڵی ۱۹٤۸ـ۱۹٥۰ له‌گه‌ڵ وه‌فدێكی خوێندندا نێررایه‌ (ئه‌مه‌ریكا). به‌ڵام پێش ته‌واوكردنی خوێندن به‌(۳) سێ‌ مانگ گه‌ڕاوه‌ته‌وه‌ میسر.

* گۆڤاری (الفكر الجدید)ی ده‌ركرد به‌ هاوكاری (محمد حلمی المنیاوی) كه‌ هه‌مووی هێرشی ئیسلامی بوو بۆ سه‌ر ده‌ره‌به‌گ‌و سه‌رمایه‌داری، به‌ به‌ڵگه‌ی قورئان‌و حه‌دیسی پێغه‌مبه‌ر صلى الله عليه وسلم.

* ساڵی ۱۹٥۱ چووه‌ ریزی كۆمه‌ڵه‌ی (برایانی موسڵمان = الإخوان المسلمين)ه‌وه‌.

* ساڵی۱۹٥۲ به‌ ئه‌ندامی (مكتب الارشاد)ی برایان هه‌ڵبژێراو كرا به‌ سه‌رۆكی به‌شی بڵاوكردنه‌وه‌ی بانگه‌واز له‌ (باره‌گای ناوه‌ندی = المركز العام)ی برایان.

* ساڵی ۱۹٥۲ به‌شداری كۆنگره‌ی دیمه‌شقی كرد، كه‌ له‌ژێر ناوی (التربیه‌ الخلقیه‌ كوسیله‌ لتحقیق التكامل الإجتماعی)دا گیرا.

* هه‌ر له‌و ساڵه‌دا وه‌كو نوێنه‌رێكی برایانی موسڵمان به‌شداری كرد له‌ (كۆنگره‌ی میللی ئیسلامی قودس = المۆتمر الإسلامی الشعبی– القدس -).. پاش ته‌واوبوونی كۆنگره‌كه‌ به‌ فه‌رمانی (كلوب)ی فه‌رمانده‌ی ئینگلیز، حكومه‌تی ئه‌رده‌نی رێینه‌دا بچێته‌ ئه‌رده‌نه‌وه‌.

* ساڵی ۱۹٥٤ كرا به‌ سه‌رنووسه‌ری رۆژنامه‌ی (الإخوان المسلمین)كه‌ هه‌ر له‌وساڵه‌دا داخرا، چونكه‌ دژی رێكه‌وتنی میسرو به‌ریتانیا وه‌ستا. كه‌ پیاوانی (شۆرشی!) یۆلیۆی میسری كردیان.

* له‌مه‌ودوا له‌ زیندانه‌كانی (القلعه‌، السجن الحربی، ابوزعبل، ولیمان طره‌)دا ژیانی برده‌سه‌ر.

* له‌ ئایاری۱۹٥٥دا خرایه‌ نه‌خۆشخانه‌ی سه‌ربازی بۆ تیماركردنی شوێنه‌واری سزاو ئه‌شكه‌نجه‌ی زیندان‌و، نه‌خۆشییه‌كانی كه‌ له‌ زینداندا تووشی ببون. وه‌ك (نه‌خۆشی سنگ، دڵ‌و، رۆماتیزمی ئێسك).

* له‌ ۱۲ی ته‌مووزی ۱۹٥٥دا (دادگای گه‌ل = محكمة الشعب!) بۆ ماوه‌ی (۱٥ ساڵ زیندانی له‌گه‌ڵ كاری ناڕه‌حه‌ت)حوكمی دا به‌سه‌ردا!! هه‌رچه‌نده‌ نه‌شیتوانی له‌به‌ر نه‌خۆشی‌و ئازارو ناڕه‌حه‌تی ئاماده‌ی (دادگا)كه‌ بێت.

* ساڵی ۱۹٥٥ له‌ (سوریا) وێنه‌و ناوی له‌ (لوحة شرف)ی كۆلێجی شه‌ریعه‌تی زانكۆی دیمه‌شقدا هه‌ڵواسرا، له‌ڕیزی (زاناو دانا دلسۆزه‌كانی سه‌ده‌ی بیسته‌م).

* شه‌وو ڕۆژی زیندانی (دوای ئه‌وه‌ی ئه‌شه‌كه‌نجه‌و سزای له‌سه‌ر هه‌ڵده‌گیرا) دابه‌ش ده‌كرد به‌سه‌ر ئیشی ته‌نزیمی برایان‌و نووستن‌و كتێب داناندا.

* ساڵی ۱۹٦٤ دوای هه‌وڵدانێكی زۆر له‌لایه‌ن (عبدالسلام عارف)ی سه‌رۆكی (كۆماری عێراق)ی ئه‌و كاته‌ له‌زیندان هێنرایه‌ ده‌ره‌وه‌.

* دوای چه‌ند مانگێك گیرایه‌وه‌و له‌زیندان توندكرا.

* له‌ ۲۹/۸/۱۹٦٦دا گیانی شه‌هیدانه‌ی به‌ره‌و خوای په‌روه‌ردگارو كردگاری به‌رزبووه‌وه‌. دوای ئه‌وه‌ی له‌ سێداره‌ درا..
ره‌حمه‌ت له‌گیانی پاكی سه‌ییدی

سه‌رچاوه‌: كتێبی مه‌شخه‌ڵی ڕێ
https://t.me/sayyidqutb1906(
به‌روار: 30/08/2019
بینین: 118