رێکخراوی نەتەوە یەکگرتووەکان، لێکۆڵینەوە لەسەر دۆسێی ئەشکەنجەدانی بەندکراوان لەلایەن دەزگای ھەواڵگریی ئەمریکا دەکات.

لەمبارەیەوە ڤیتالی تشورکین باڵیۆزی ھەمیشەیی روسیا لە رێکخراوی نەتەوە یەکگرتووەکان، رایگەیاند: بڕیارە لە کۆبوونەوەی لیژنەی نێودەوڵەتی مافەکانی مرۆڤی سەر بەنەتەوە یەکگرتووەکان، دۆسێی ئەشکەنجەدانی بەندکراوان لەلایەن کارمەندانی دەزگای ھەواڵگریی ئەمریکا گفتوگۆی لەبارەوە بکرێت.
نوێنەری ھەمیشەیی روسیا لە نەتەوە یەکگرتووەکان، روونیشیکردەوە: ١٩٣ وڵاتی ئەندام لە رێکخراوی نەتەوە یەکگرتووەکان رازی بوون گفتوگۆ لەبارەی دۆسێی ئەشکەنجەدانی بەندکراوان لەلایەن سی ئای ئەی بکرێت، تەنھا کۆریای باکوورو ئەریتریا نەبێت.