هەرسێ فراكسیۆنی كۆمەڵی ئیسلامی، یەكگرتووی ئیسلامی و بزووتنەوەی گۆڕان رایدەگەیەنن"ئێمە پشتیوانی‌ خۆمان بۆ نامەكەی‌ سەرۆكی‌ هەرێمی‌ كوردستان سەبارەت بە یەكخستنەوە و دروستكردنی‌ هێزێكی‌ چەكداری‌ پیشەیی‌ و حكومی‌ و قەدەغە كردنی‌ حزبایەتی‌ لە ناو هێزەكانی‌ پێشمەرگە دەردەبڕین".
 
ئەو سێ‌ فراكسیۆنە جەختیان لەوە كردوەتەوە كە جێبەجێكردنی‌ راسپاردەكانی‌ نامەكەی‌ سەرۆكی‌ هەرێم  هاوئاهەنگە لەگەڵ یاسا و بڕیارەكانی‌ پەرلەمانی‌ كوردستان و خزمەت بە تۆكمەبوونی‌ هێزەكانی‌ پێشمەرگە دەكات.
 
هەروەها ئەوەیان خستووەتەڕوو كە نامەكەی بارزانی  هەنگاوێكی‌ گرنگە بە ئاڕاستەی‌ حكومەتی‌ دامەزراوەیی‌ و ئەنجامدانی‌ چاكسازی‌ ریشەیی‌ لە سیستەمی‌ حكومڕانی‌ وەڵات.