لە دوای ئەو شەپۆلە بەفرەی كە روی لەناوچەكانی هەرێمی كوردستان كرد بەشێك لە رێكخراوەكانی ژینگە داوایان كرد راوكردنی بێ‌ بەزەییانە رابگیریت بەتایبەتی لەو شوێنانەی كە بەهۆی زۆری بەفرەوە ئاژەڵ و باڵندەكان روو لە ناوچە ئاوەدانییەكان دەكەن .رێكخراوێكی بواری ژینگە رایدەگەیەنێت ،پرۆژە یاسایە دەدەنە پەرلەمانی كوردستان بۆ ئەوەی بە هەموو شێوەیەك راو كردن لە هەرێمی كوردستان قەدەغە بكرێت بۆماویەكی كاتی و بۆ ئەو مەبەستە داوای فتوایەكی شەرعیش لە وەزارەتی ئەوقاف و یەكێتی زانایان دەكەن .

مەعروف مەجید سەرۆكی رێكخراوی ئایندە بۆ پاراستنی ژینگە وتی " بە داخەوە ئێمە هەستمان دەكرد كەسنێك كە هەست بە بەرپرسیارێتی ناكەن ئەم بەفر بارینە بە دەست كەوت دەزانن كوێرانە راو دەكەن ، بەپێی ئەو زانیاریانەی دەست رێكخراوەكەمان كەوتووە ،دوێنێ دوای بارینی یەكەم بەفر كە لە كوردستان باری لە قەزای پێنجوێن، چەن راوچییەكی دژە ژینگەو لە جێگەی ئەوە بەهاواری ئاژەڵ و پەلەوەرە كێوییەكانەوە بچن ، كە بەهۆی بارینی ئەم بەفربارینەوە روویان لە ناو ئاوەدانی كردووە ،  بەڵام بە داخەوە ئەو كەسانە بە دەیان سیلاحەوە ڕوویان كرد‌وتە دارستانەكانی ئەو سنورە و كارەساتی ژینگەییان خوڵقاندووە ،جێگەی ئاماژەیە كە لەم كارەساتەدا بەداخەوە 10سمۆرەیان كوشتووە و دانەیەكیشیان بە زیندوویی گرتووە ،لێرەدا هەرچەن كە 11سمۆرە لە جوانترین گیانلەبەرانی زاگرۆسیان لە بەین بردووە .كە دلنیایین لە زۆربەی ناوچەكانی تری هەرێ/ هەمان كار ئەنجام دراوە .
بەڵام بە خۆشحاڵییەوە لە سەر ئەو ڕووداوە لە لایەن پۆلیسی دارستانەوە 16ڕاوچی دەستگیر كراون كە هیوادارم ڕووبەڕووی سزای یاسایی ببنەوە.
هەر لیرەشەوە داوا لە پەرلەمانی كوردستان و دەستەی پاراستن و چاككردنی ژینگەی هەرێم و یەكێتی زانایان و وەزارەتی ئەو قاف دەكەین كە بە هەموو شیوەیەك هەم لە روی یاسا و هەم لەروی دینەوە ئەو كارە قەدەغە بكەن ، ئەگەر بۆماوەیەكی كاتیش بیت لەبەر ئەوەی لە ماوەی رابردوودا بەهۆی زۆرراوكردن و گرفتی وشكە سالی و تۆپابارنی سنورەكان و ئاگر بەردانە شوینە شاخاوییەكان بالندەو پەلەوەر زۆر كەم بۆتەوە ، ئێمە وەكو رێكخراوی ئایندە بۆ پاراستنی ژینگە بەنیازی ئەوەین داواكارییەك بۆ ئەو مەبەستە بدەینە لایەنی پەیوەندیدار ، هیوادارین بە زوترین كات كاری لەسەر بكەن .