دوای ھێوربوونەوەیەکی رێژەیی بارودۆخی حەسەکە، سەرلەنوێ شەڕوپێکادانەکانی نێوان یەکینەکانی پاراستنی گەل وھێزەکانی رژێمی سوریا لە شارەکە دەستیان پێکردەوە، دوێنێ شەو ھێزەکانی رژێمی سوریا و تاقمە چەکدارەکانی لایەنگری حکومەت، پەلاماری چەند گەڕەکێکی حەسەکەیان داوە، بەڵام شەڕڤانان و ھێزەکانی ئاسایش بەرپەرچی پەلامارەکانیان داوەتەوەو رێگرییان کردووە لەوەی پێشڕەوی بکەن.

شەڕوپێکادانەکان زیاتر چەند گەڕەکێکی ناوەندی شارەکەیان گرتۆتەوەو بەپێی زانیارییەکانیش ژمارەیەک چەکداری ھێزەکانی رژێمی سوریا کوژراون.