مەسعود بارزانی، سه‌رۆکی هه‌رێمی کوردستانی  به‌ فه‌رمی بانگهێشت کراوه‌ بۆ کۆنفرانسی "میونشن بۆ ئاسایش"، کۆنفرانسەکە بە بەشداری زیاتر لە 30 سەرۆک و سەرۆک وەزیران و نوێنەری وڵاتانی جیهان لە شاری میونشنی ئەڵمانیا به‌ڕێوه‌ده‌چێت.
فوئاد حسێن، سه‌رۆکی دیوانی سه‌رۆکایه‌تی هه‌رێمی رایگەیاند: سەرپەرشتیارانی کۆنفرانسی "میونشن بۆ ئاسایش" بە فەرمی داوایان لە مەسعوود بارزانی سەرۆکی هەرێمی کوردستانی کردووە بۆ بەشداریکردن لەو کۆنفرانسە که‌ ڕۆژانی 6-8ی ئەم مانگە،له‌ ئاڵمانیا به‌ڕێوه‌ده‌چێت.
وتیشی: به‌ پێی ئه‌و بانگهێشتنامه‌یە ، بڕیار دراوه‌‌ بارزانی لە یەکێک لە پانێڵەکانی کۆنفرانسەکەشدا، وتارێک پێشکەش بکات.
فوئاد حوسێن رایگەیاند: تا ئێستا یەکلایی نەبووەتەوە که‌ سەرۆکی هەرێمی کوردستانی عێراق بەشداری دەکات یان نا.