راهێنەرانی سەربازی بەریتانیا كۆتاییان بە مەشقی سەربازی هەزار پێشمەرگە هێنا، كەلە سەر چەندین جۆرە چەكی تازە مەشقیان پێكراوە.
 
 لەو بارەیەوە مایكل فالۆن وەزیری بەرگری بەریتانیا رایگەیاند: ئەفسەرانی بەریتانیا لەسەربازگەیەكی نزیكی هەولێری پایتەختی هەرێمی كوردستان قۆناغی یەكەمی مەشق‌و ڕاهێنانیان بەهێزەكانی پێشمەرگە تەواوكرد، پاش نزیكەی یەكەم مانگ.
دوای پێشرەوییەكانی چەكدارانی داعش بۆ سەر هەرێمی كوردستان و كۆنترۆڵكردنی چەند ناوچەیەك، ژمارەیەك لە وڵاتانی جیهان لەنێوانیان دا بەریتانیا، هاریكاری سەربازیان پێشكەش بە هەرێم كرد و بەشێكی هاریكارییەكانیان، خۆی لە ناردنی سەدان راوێژكار و راهێنەری سەربازی بۆ مەشقپێدانی پێشـمەرگە بینیوەتەوە.