مستەفای سەید قادر، وەزیری پێشمەرگەی حكومەتی هەرێمی كوردستان باسی پێشڕەوییەكانی ئەمڕۆی پێشمەرگە دەكات لە كەركووك و رایدەگەیەنێت: هێزەكانی هاوپەیمانان رۆڵێكی باشیان هەبوو لە بۆردوومانكردنی بنكەكانی داعش. 

وەزیری پێشمەرگەی هەرێم  ڕایگەیاند: ئەو بەرنامەیەی داڕێژرابوو بە تەواوەتی جێبەجێكرا و هێزی پێشمەرگەی كوردستان زۆر بە دروستی بەرنامە و پلانەكەی جێبەجێكرد، هیچ هێزێكی دیكەش بەشداری لە هێرشەكانی ئەمڕۆ بۆ سەر داعش نەكرد.

دەربارەی ژمارەی شەهیدانی شەڕەكەی ئەمڕۆ ڕاشیگەیاند: 10 پێشمەرگە لە هێرشەكانی ئەمڕۆ شەهید بوون و ژمارەیەكی دیكەش برینداربوون. 

لەبارەی بەشداری سوپای عێراق وتی: ئاستی بەرگریی داعش زۆر لاواز بووە و داوای هاوكاریشمان لە سوپای عیراق نەكردووە، بەڵام عیراق بە چەك و تەقەمەنییەكی كەم هاوكارییان كردووین.