بریندارە !
لەتاو دەروون نەخۆشی كورد
شیعر ئەمڕۆ :
شەرمەزارە!
لەتاو مێشك بێ هۆشی كورد
شیعر ئەمڕۆ:
بێ قەرارە!
لەتاو ئەقڵ نــاو بــۆشی كورد
شیعر ئەمڕۆ :
خەفەت بارە!
لەتاو دڵی خامۆشــــی كورد،
***
ئێستاكە من،
گوێم لەنوزەی 
هۆنراوەیە ..
ئێستاكە من،
گوێم لەكزەی 
جەرگی شیعری تواوەیە..
ئیستاكە من،
گوێم لە خزەی 
داشكانی ،ئێسكەكانی ،
شیعری بەخوێن ڕازاوەیە.. ،
هاتوونە بەر قاپی خودا.....،
شەكوا ئەكەن 
لەو خامانەی 
مەبەستی هەستی شیعریان 
ئاوا تێك دا..... .
***
چۆن دڵتان دێ ؟
دڵی پاشای هەموو گەردوون
بڕەنجێنن؟
چۆن دڵتان دێ؟
پەنجەی شیعر ،
بۆلەزەتی پیسی دەروون
تێك بشكێنن؟
چۆن دڵتان دێ ؟
وەك بروسكە 
لەگوێی كپی ڕاستی ژیان
بگرمێنن؟
چۆن دڵتان دێ؟
چۆن دلتان هات؟
دڵی ژیان بتۆرینن؟
هەر ئیستاكەش ،
دێر نەبووە .. هەتازووە 
خەجاڵەت مەندی بنوێنن..
لەبەدەم
ڕەونەقی بەرزی سیمای شیعرا
سەری شۆڕتان 
دانەوێنن..
__________