بڕیارە سبەینێ سەرۆکی ھەرێم و نوێنەری حزبە کوردستانییەکان لە ھاوینەھەواری سەڵاحەدین کۆببنەوە.

کۆبوونەوەکە ھاوکاتە لەگەڵ بەردەوام بوونی مشتومڕی لایەنە سیاسییەکان سەبارەت بە پرسی ویلایەتی سەرۆکی ھەرێم و رەشنووسی دەستوور.

لەلایەکی دیکەشەوە قەیرانی دارایی ھەرێم بەھۆی رەوانەنەکردنی تەواوی مووچەو بودجە لەلایەن حکومەتی ئیتیحادی و ھەروەھا شەڕی داعش درێژەیان ھەیە.

پێ دەچێت ئامانجی سەردانەکەی سەرۆکی ھەرێمیش بۆ ئەمریکا، تەوەرێکی دیکەی کۆبوونەوەکە دەبێت.