تورکیا رێگریی دەکات لە گەیشتنی ئەو کۆمەک و ھاوکارییانەی بۆ کۆبانێ کۆکراونەتەوە.

 چەند بارھەڵگرێک کە کۆمەک و ھاوکاریان لە کۆپنھاگنی پایتەختی دانیمارکەوە بارکردووە لەسەر سنوری تورکیا-بولگاریا رێگری لێدەکرێت و رێگەیان پێ نەدراوە بگەنە کۆبانێ.

بەپێی زانیاریەکان  ئەو بارھەڵگرانە نزیکەی مانگێکە لە دەروازەی سنوری " تورکیا – بولگاریا"  ماونەتەوەو بەبیانوی نەبونی مۆڵەتی دانیمارکی رێگریان لێکراوەو گەرێنراونەتەوە بۆ دانیمارک.

لەو بارەیەوە " جەلال دەنیز"  ئەندامی ئەنجومەنی شارەوانی شاری فۆریس لە دانیمارک و بەرێوەبەری پرۆژەی کۆکردنەوەی کۆمەک، رایگەیاند: لەگەڵ وەزیری دەرەوەی دانیمارک گفتوگۆی کردووە ئاگاداریان کردونەتەوە لەوەی تورکیا بەبیانوی ناڕەوا ڕێگە نادات ھاوکاری و کۆمەکەکان بگاتە خەڵکی کۆبانێ.