مەحمەدی حاجی مەحمود فەرماندەی هێزەكانی پێشمەرگەی كوردستان لە سنوری كەركوك لە میانەی بەشداری كردنی لە مەراسیمی یادی 22 ساڵەی ئازادی رۆژنامەنووسی رایگەیاند هێزی پێشمەرگەی كوردستان هەركاتێك بیەوێت دەتوانێت ئەو ناوچانەی لە ژێر دەستی داعشدان بەرنامەی بۆ دابڕێژێت و رزگاری بكات، وە هیچ جێگەیەكیش نیە پێشمەرگە سڵی لێبكاتەوە.
 
محەمەدی حاجی محمود رونیشیكردەوە كە لە خۆرئاوای شاری كەركوك نزیكەی 54 كلیۆمەتر لە داعش پاككراوەتەوە و كە بە وتەی ئەو  ئێستا ئەو ناوچانە لە ژێر كۆنترۆڵی هێزی پێشمەرگەی كوردستاندان.
 
سەبارەت بە كۆنترۆڵكردنەوەی شاری موسڵ محەمەدی حاجی مەحمود وتیشی "باكوری شاری موسڵ هەموو دانیشتوانەكەی كوردن و لە ئێستادا ئاوارەی شارەكانی دیكەی كوردستانن، بۆیە دەبێت ئەو كوردانە بەرینەوە بۆ شوێنەكانی خۆیان، وە شەڕی موسڵ پێویستی بە هاوكاری هاوپەیمانان و هێزەكانی دیكەوە هەیە".