بزووتنه‌وه‌ی‌ گۆڕان رایده‌گه‌یه‌نێت رازین به‌ مانه‌وه‌ی‌ مه‌سعود بارزانی‌ سه‌رۆكی‌ هه‌رێمی‌ كوردستان و به‌لایانه‌وه‌ شتێكی‌ ئاساییه‌.

لەو بارەیەوە د. ره‌ئوف عوسمان سه‌رۆكی‌ جڤاتی‌ نیشتیمانی‌ بزووتنه‌وه‌ی‌ گۆڕان له‌میانه‌ی‌ چاوپێكه‌وتنێكی‌ له‌گه‌ڵ گۆڤاری‌ شار  رایگه‌یاندووه‌ كه‌: "به‌لامانه‌وه‌ ئاساییه‌ بارزانی‌ بۆ جارێكی‌ تر سه‌رۆك بێت".

سه‌رۆكی‌ جڤاتی‌ نیشتیمانی‌ بزووتنه‌وه‌ی‌ گۆڕان رازیبوونی‌ بزووتنه‌وه‌كه‌یانی‌ بۆ مانه‌وه‌ی‌ بارزانی‌ به‌چه‌ند مه‌رجێكه‌وه‌ به‌ستووه‌ته‌وه‌ كه‌ بریتین له‌: "ئه‌گه‌ر له‌ ده‌ستووره‌كه‌دا سیسته‌می‌ په‌رله‌مانی‌ جێگیر بكرێت و له‌ په‌رله‌مانه‌وه‌ هه‌ڵبژێردرێت و كۆده‌نگیشی‌ له‌سه‌ر بێت".

ئاماژه‌ی‌ به‌وه‌شكردووه‌ ئه‌وانه‌ واده‌كه‌ن سه‌رۆك نه‌توانێت  تاكڕه‌وبێت و پابه‌ندیش ده‌بێت به‌ بڕیاره‌كانی‌ په‌رله‌مانه‌وه‌.