حه‌یده‌ر عه‌بادی، سه‌رۆک وه‌زیرانی عێراق  بڕیاری ڕاگرتنی ڕێکارییه‌ یاساییه‌کانی دژی چه‌کداره‌ هه‌ڵاتووه‌کانی ناو سوپای عێراقی ده‌رکرد.

له‌ به‌یاننامه‌یه‌کدا نوسینگه‌ی عه‌بادی ڕایگه‌یاند:سه‌رۆک وه‌زیران بڕیاری ڕاگرتنی ڕێکاریی یاسایی دژی ڕاکردووان و ئاماده‌نه‌بووانی ڕیزه‌کانی سوپای ده‌رکردووه.‌

به‌ڵام بڕیاره‌که‌ که‌سانی تاوانبار و تێوه‌گلاو له‌ تیرۆر و بردنی ماڵی گشتی ناگرێته‌وه‌.

ئه‌م بڕیاره‌ی عه‌بادی له‌کاتێکدایه‌ که‌له‌و کاته‌ی داعش به‌شێکی عێراقی گرت زۆر سه‌رباز و ئه‌فسه‌رو پله‌دار ڕیزه‌کانی سوپایان به‌جێهێشتووه‌.