هه‌ڵمه‌تی‌ پاك كردنه‌وه‌ی‌ دروشمه‌كانی‌ (مرگ بر امریكا) واته‌ مردن بۆ ئه‌مریكا له‌سه‌ر زۆربه‌ی‌ دیواره‌كانی‌ تارانی‌ پایته‌ختی‌ كۆماری‌ ئیسلامی‌ ئێران پاك ده‌كرێنه‌وه‌ ده‌سڕێنه‌وه‌ .
له‌ هه‌ڵمه‌تێكدا كه‌ له‌م چه‌ند ڕۆژه‌ی‌ دوایی‌ ده‌ستی‌ پێ‌ كردووه‌ ، له‌ تارانی‌ پایته‌ختی‌ كۆماری‌ ئیسلامی‌ ئێران دروشمه‌كانی‌ مردن بۆ ئه‌مریكا ، ده‌سڕێنه‌وه‌ به‌تایه‌ب له‌ نزیك سه‌فاره‌تی‌ كۆنی‌ ئه‌مریكا له‌ تاران . ئه‌مه‌ش دوای‌ ئه‌وه‌ دێت كه‌ ئێران و وولاَتانی‌ پێنج كۆ یه‌ك په‌یماننامه‌ ئه‌تۆمییه‌كه‌یان ئیمزا كرد و له‌و ڕۆژه‌وه‌ په‌یوه‌ندییه‌كان به‌ره‌و باشتر بوون ده‌ڕۆن و له‌و چوارچێوه‌یه‌شدا كونسوڵخانه‌ی‌ هه‌ر دوو وولاَتی‌ ئێران و به‌ریتانیا له‌ تاران و له‌نده‌ن كرانه‌وه‌ .
له‌لایه‌كی‌ تریشه‌وه‌ دامه‌زراوه‌ی‌ به‌سیجی‌ كۆماری‌ ئیسلامی‌ ئێرانی‌ ئه‌و هه‌والاَنه‌ ڕه‌ت ده‌كه‌نه‌وه‌ و ده‌ڵێن ئه‌و دروشمانه‌ هه‌ر ده‌مێنن و یه‌كێكن له‌ دروشمه‌ كۆنه‌كان و مێژووییه‌كانی‌ ئه‌و وولاَته‌ به‌رامبه‌ر ئه‌مریكا .