سبەینێ‌ دابەشكردنی موچەی مانگی ئابی فەرمانبەران دەست پێدەكات، دوای وەزارەتی پێشمەرگەو ئەنجومەنی ئاسایش، موچەی وەزارەتی پەروەردە دابەش دەكرێت.

بەپێی دواین راگەیەندراوی وەزارەتی دارایی و ئابووری، سبەینێ دووشەممە دابەشكردنی موچەی مانگی ئاب دەستپێدەكات، هاوشێوەی مانگەكانی پێشووش وەزارەتی پێشمەرگە یەكەم وەزارەت دەبێت كە موچە وەردەگرێت،  دوای ئەویش موچەی ئەنجومەنی ئاسایش دابەش دەكرێت  .

پێشتر بەرپرسانی یەكێتی مامۆستایانی كوردستان ئاشكرایانكردبوو، كە پێیان ڕاگەیەندراوە كە ڕۆژانی ١٠بۆ ١٢ی ئەم مانگە موچەی وەزارەتی پەروەردە دابەشدەكرێت، بەوپێیەش دوابەدوای ئەنجومەنی ئاسایش، وەزارەتی پەروەردەش موچەی پێدەدرێت.