كاتژمێر حەوتی ئەمشەو لەسەر پردی زەڵمی سەر بە پارێزگای هەڵەبجە دوو ئۆتۆمبێل بەیەكدا دەدەن و بەهۆیەوە دوو منداڵ گیان لەدەست دەدەن و يانزە كەسیش بریندار دەبن.
سەنتەری جی سی سی نەخۆشخانەی فریاكەوتنی هەڵەبجە بە بزاڤ پرێسی ڕاگەیاند: لەسەر پردی زەڵم دوو ئۆتۆمبێل لە جۆرەكانی پاسی بچووك و پیكاب بەیەكدا دەدەن و بەهۆی ڕووداوەكەوە دوو منداڵى تەمەن چوار ساڵ و يانزە ساڵ گیان لەدەست دەدەن.
سەنتەری جی سی سی وتیشی: هەر بەهۆی ئەو ڕووداوەوە يانزە كەسیش برینداربوون و برینی یەكێكیشیان سەختە.
ڕاشیگەیاند: لە ئێستادا چوار لە بریندارەكان گەیەنراونەتە نەخۆشخانەی فریاكەوتنی سلێمانی و چاوەڕێ دەكەین تا دواتر ئەو بریندارانەى دیكە ڕەوانەی سلێمانی بكەین.
سەنتەری جی سی سی نەخۆشخانەی فریاكەوتنی هەڵەبجە ئەوەشی ئاشكراكرد: لەئێستادا چوار ئەمبوڵانسی فریاكەوتنی هەڵەبجە بریندارەكانی گواستووەتەوە بۆ سلێمانی و چاوەڕێی گەڕانەوەی ئەو ئەمبوڵانسانە دەكەین كە بگەڕێنەوە تاوەكو بریندارەكانی دیكەش بگوازینەوە بۆ سلێمانی.