بەرپرسی بزوتنەوەی گۆڕان لە هەڵەبجە رایگەیاند، بزوتنەوەی ئیسلامی داوای چەند پۆستێكی كردووە و ئامادەن بەشداری حكومەتی خۆجێی بكەن لە پارێزگای هەڵەبجەدا.

نزار مەحمود باژێڕوانی مەكۆی هەڵەبجە بزوتنەوەی گۆڕان بە بزاڤ پرێسی ڕاگەیاند: لەگفتوگۆی ئەمڕۆماندا بزوتنەوەی ئیسلامی داوای كردووە لە ناودیوانی پارێزگای هەڵەبجە پۆستێك یاخود ڕاوێژكارێكیان پێبدرێت هاوكات جەختیشیان لەسەرەوە ئەوە كردوەتەوە كە ئامادەن بەشداری حكومەتی خۆجێی بكەن بۆیە ئامادەی گفتوگۆكردنن.


وتیشی: بۆئەوەی ئەو داواكاریەی بزوتنەوەی ئیسلامی تاوتوێ بكەین دەبێت لەگەڵ یەكێتی نیشتمانی كوردستان كۆببینەوە و دوا بڕیاری خۆمان بدەین، لە پاشاندا وەڵامی ئەوان دەدەینەوە".


ئەمڕۆ شەممە هەریەكە لە بزوتنەوەی گۆڕان و بزوتنەوەی ئیسلامی لەبارەی بەشداریكردنی حكومەتی خۆجێی پارێزگای هەڵەبجەوە كۆبونەوە و بزوتنەوەی ئیسلامی بڕیاریداوە بە جێبەجێکردنی داواکانیان بەشداری حکومەتی خۆجێی پارێزگاکە بکەن.

پێشتر پارتی دیموکراتی کوردستان و بزوتنەوەی ئیسلامی بڕیاریاندابوو، بەشداری حکومەتی خۆجێی نەکەن، بەبەشداری بزوتنەوەی ئسلامی لە حکومەتە خۆجێیەکەی هەڵەبجە پارتی بە تەنیا دەمێنێتەوە.