گه‌ر خـاكی غوربه‌ت , سه‌راپا گـوڵ بێ
هه‌ست ده‌كه‌م بۆ من , كـه‌ ژانی دڵ بێ
گـه‌ر  وه‌كــو  بولبـول  بـخـوێنم  ئـاواز
هــه‌ر ده‌ڵـیـَم : دوورم لـه‌ یــارو هـاوڕاز
لـه‌ مـاڵی ئـه‌غیـار  پـڕ ئـه‌شـكـه‌ دیده‌م 
دوور له‌خاكی خۆم  ده‌گریم بێ هاوده‌م
وه‌ك ئــه‌و بــاڵنـده‌م  بــاڵـی شــكـا بـێ
لــه‌ نیـَو قـه‌فـه‌سـدا  بـه‌ كـوڵ گـریا بێ
خـه‌م و ئێش و ژان , ناڵین و حه‌سـره‌ت
فرمێسكـی ســوورو  نامـۆیی و فیرقـه‌ت
هـه‌مـووی  لـه‌ سـایه‌ی ژینی غـوربه‌تیـن
بۆ دڵ , بۆ ده‌روون , ده‌ردوو مه‌ینه‌تین
نــامـه‌وێ دووربـم   له‌ ســۆزی شمشاڵ
دووربـم لـه‌ زێـدو  لـه‌ سـروه‌ی شـه‌ماڵ
پیـَم خـۆشـــه‌ لێـره‌  لــه‌ نیـشــتمـانـم
بـــژیــم و بـمــرم  لــه‌ كــوردســتــانـم