بەڕێوبەری جێبەجێکاری کۆمپانیای گازیرۆم نێکستی ڕووسی ڕایگەیاند لە ساڵی داهاتوودا یەکەم بیری نەوت لە شاری هەڵەبجە لێدەدەن.

میکایل خۆلۆدۆڤ، بەڕێوەبەری جێبەجێکاری کۆمپانیاکە بە گۆڤاریێکی وڵاتەکەی ڕاگەیاندووە: کۆمپانیاکەیان لە مانگی شوباتی ئەمساڵدا کە دەستی بە کارکردن کردووە لە کێڵگەی نەوتی سەرقەڵا لە گەرمیان و توانیویەتی یەک ملیۆن بەرمیل نەوت بەرهەمبهێنێت.

هەروەها باسی لەوەشکردووە کۆمپانیاکە پلانی هەیە کێڵگەیەکی نەوتی دیکە لە ناوچەکە بدۆزێتەوە.

کۆمپانیاکە پلانی هەیە لە ساڵی ٢٠١٨ - ٢٠١٩ بیری زیاتری تایبەت بە دەرهێنانی نەوت لە هەڵەبجە لێبدات، هەروەها چاوەڕوانیش دەکرێت بڕی بەرهەمهێنانی نەوت لە پاڵاوگەی سەرقەڵادا زیادبکات.

کۆمپانیای گازپرۆم لە ساڵی ٢٠١٠ ەوە لە عێراق کاردەکات و بۆ یەکەم جار لە پارێزگای واست دەستی بە کارەکانی کردووە.

ژ.ک