شەوی ڕابردوو کچێکی دانیشتووی پارێزگای هەڵەبجە دەسووتێت و گیان لەدەست دەدات، بەوتەی کەسوکارەکەی بەهۆی تەقینەوەی سۆباوە گیانی لەدەستداوە.

نەقیب بەرزان عووسمان وتەبێژی پۆلیسی هەڵەبجە، بە بزاڤ پرێسی ڕاگەیاند: شەوی ڕابردوو کچێکی تەمەن بیست ساڵ دەسووتێت و گیان لەدەست دەدات.

وتیشی: کچەکە دانیشتووی پارێزگای هەڵەبجەیە و دوایی سووتاندنەکەی دەست بەجێ گیانی لەدەست داوە.

بەپێی وتەی کەسوکارەکەی، کچەکەی ویستوویەتی نەوت بکاتە سۆباوە و سۆباکەش لەو کاتەدا کاری کردووە و لەکاتی پڕکردنیدا سۆباکە دەتەقێتەوە و گیان لەدەست دەدات.

کچەکە خوێندکاری زانکۆیە و لەقۆناغی دوو دا بووە.
‌
ژ.ک