ئێوارەی ئەمڕۆ، مێرمنداڵێك كە قوتابییە و دانیشتووی گوندی ڕكاوەیە لە هەولێر، 

ئۆتۆمبێلێكی جۆری "پیكاپ دێر" خۆی پێدا كێشا و لە ئاكامدا گیانی لە دەستدا.

نەقیب هۆگر عەزیز، وتەبێژ و بەڕێوەبەری ڕاگەیاندنی پۆلیسی هەولێر ڕاگەیاند، 

ئەمڕۆ پێنجشەممە (14/1/2016)، كاتژمێر 3 و 45 خولەكی ئێوارە، مێرمنداڵێك بە 

ناوی (فریاد مەحموود نەبی)، تەمەن (12) ساڵ، كە قوتابییە و دانیشتووی گوندی 

ڕكاوەیە لە هەولێر، لە نزیك گوندی ئافریان ئۆتۆمبێلێك لە جۆری "پیكاپ دێر" خۆی 

پێدا دەكێشێت و لە ئاكامدا گیان لە دەست دەدات.

بەڕێوەبەری ڕاگەیاندنی پۆلیسی هەولێر وتیشی، شوفێرەكە خۆی ڕادەستی پۆلیس 

كردووە و ئێستاش دۆسیەی لێكۆڵینەوە بۆ ڕووداوەكە كراوەتەوە.