دوای ئه‌وه‌ی دوێنێ شه‌ممه‌ هاوڵاتییه‌كی دانیشتووی پارێزگای هه‌ڵه‌بجه له‌ نزیك سه‌یرانگای چاوگ‌ ده‌كوژرێت و ئاسه‌واری فیشه‌كیش به‌ جه‌سته‌یه‌وه‌ دیار بوو، پۆلیسی هه‌ڵه‌بجه‌ ڕایگه‌یاند:"بكوژه‌كه‌ ده‌ستگیركراوه‌".

نه‌قیب به‌رزان عوسمان وته‌بێژی پۆلیسی هه‌ڵه‌بجه‌، به‌ بزاڤ پرێسی ڕاگه‌یاند:"هۆكاری درووستبوونی ڕووداوه‌كه‌ به‌هۆی كێشه‌ی كڕین و فرۆشتنی ئۆتۆمبێل بووه‌ و دوای دروستبوونی ده‌مه‌قاڵه‌ له‌ نێوان خۆیاندا هاوڵاتییه‌كه‌ به‌ فیشه‌ك هاوڕێ كه‌ی خۆی ده‌كوژێت".

وتیشی:"تۆمه‌تباره‌كه‌ ده‌ستگیركراوه‌ و له‌به‌رده‌م داواكاری گشتی دا دانی به‌ تاوانه‌كه‌ی دا ناوه‌".

نه‌قیب به‌رزان ئاشكرایشی كرد:"ئه‌و تۆمه‌تباره‌ دانیشتووی شاری هه‌ڵه‌بجه‌یه‌ و له‌ گه‌ڕه‌كی سه‌را ده‌ژیت‌".

دوێنێ شه‌ممه‌ له‌ نزیك سه‌یرانگای چاوگ هاوڵاتییه‌ك هاوڕێكه‌ی خۆی ده‌كوژێت و تۆمه‌تباره‌كه‌ش ده‌ڵێت:"له‌ كاتی كڕینی ئۆتۆمبێل دا بووه‌ به‌ كێشه‌مان".
 
 
 
ژ.ك