بڕیارە هەفتەی داهاتوو موچەی یەكەمین مانگی ئەمساڵ دابەشبكرێت و حكومەتیش بەنیازە لە وەزارەتی پێشمەرگەوە دەست بە پرۆسەكە بكات و لە هەفتەیەكدا كۆتایی پێبێنێت.

سەرچاوەیەكی تایبەت لە ئەنجومەنی وەزیرانی هەرێمی كوردستان ئاشكرایكرد حكومەت بەنیازە سەرەتا موچەی هێزەكانی‌ پێشمەرگەی‌ كوردستان و ئاسایش و هێزەكانی‌ زێرەڤانی‌ و فەرماندەیی‌ دابەش بكات، كە هیچ كام لەمانە كەمكردنەوەی موچە نایانگرێتەوە. دوای ئەوانیش یەك لە دوای یەك وەزارەتی‌ پەروەردەو تەندروستی‌ و پاشان سەرجەم وەزارەتەكانی دیكە موچە وەریدەگرن.

وەك ئەو سەرچاوەیە رونیكردەوە دابەشكردنی موچە لەسەرەتای هەفتەی داهاتووەوە دەستپێدەكات و هەر لەو هەفتەیەشدا بەسەر سەرجەم وەزارەت و دەستەكاندا دابەشدەكرێت.



وێستگە



ژ.ك