به‌ پێی هه‌واڵی ئاژانسی کورد پڕێسس:.. مه‌سعوود بارزانی‌ جه‌ختی کرد که‌ ئه‌گه‌ر بێتوو وه‌ک پێشوو ناعه‌داله‌تی هه‌بێت له‌ هه‌ڵبژارنی‌ په‌رله‌مانی‌ عێراقدا، ئه‌وا هه‌رێمی کوردستان مافی خۆیه‌تی قبووڵی‌ نه‌بێ و به‌شداری نه‌کات.

له‌و چوارچێوه‌یه‌دا سه‌رۆکی‌ هه‌رێمی‌ کوردستان رایگه‌یاند: له‌ هه‌ڵبژاردنی 2010 دا ڕێژه‌ی به‌شداریی کورد زۆر باش بوو به‌ڵام زوڵم له‌ هه‌رێمی کوردستان کراو و ناعه‌داله‌تییه‌کی زۆر هه‌بووه‌ له‌ به‌ده‌ستهێنانی کورسییه‌کان.

وتیشی: پێویسته‌ له‌سه‌رجه‌م پارێزگاکانی عێراقدا یه‌ک کۆلکه‌ی هه‌ڵبژاردن هه‌بێت و ناکرێ هه‌رێمی کوردستان باجی که‌میی به‌شداریی پێکهاته‌کانی دیکه‌ بدات له‌ پڕۆسه‌ی هه‌ڵبژاردنی په‌رله‌مانی‌ عێراقدا.