ئــــــــــــــــــــــــــــــــــاخ پــــــــــایــــــــــــز .................

ئەبێ بۆ لەدەستدانی کەسێکی ئازیز چ حەسرەتێک بکێشین....؟؟؟

من نازانم پایز کەی هێندە تووڕە بوو ،ئەمە کەی هەڵسوکەوتی میوانی وونبووە؟!ئەمە کەی ڕەوشتی غەریبی تازە هاتووە؟!

ئەمە کەی مامەڵەی دوو دۆست و ئاشنایە؟!ئاخر پایز زۆر بێ ویژدانانە کەوتە هەڵکێشانی هیواو ئاوات و سێبەر و سایەم،

زۆر دڵڕەقانە کەوتە ئەشکەنجەدان،زۆر بێ بەزەییانە بەندی کردم لە ناو ژووری خەم و خەفەت و داخ و دەردەداری،

بەڵێ ئەم پایزە وەک جاران نەبوو،وەک هەمیشە لە گەڵاکانەوە دەستی پێ نەکرد،بەڵکو ئەمجارە لە بەهێزترین و

خۆشەویسترین درەختەوە دەستی پێ کرد کە خولیا و خەون و هیواو حەزم بوو،بەڵێ هەر ئەو ڕۆژە زۆر توورەبووم هێندەی

 تووڕەبوونی پایز،ویستم کە هیج نەبێت منیش هەڵوەرێنێت،ئاخر ژیانی بێ سایە زۆر سەختە.

هەمیشە وەک بێخود دەڵێم:"چۆن ماوە لەسەد لاوە کە پێکراوە دڵی من"!!!!!!!!!

بە ڕاستی سەیرە لایەکی دڵم پێشتر هەنجن هەنجن کرابوو بەدەست دۆستانی بێ مەعریفەت و سپڵەوە،ئەوا ئەم

 بەشەشی بەم شێوە و بە خوێنی تراژیادی کۆچی نوسییەوە،بەڵی هەموو ساتێ لە چاوەڕوانی ڕەشەبا و گەردەلوولی

 ئەم پایزە بێ ویژدانەم تا منیش لە ریشکەوە هەڵکەنێت و ئیدی ئومێدی سەردەرهێنانەوە زیندە بەجاڵ بکات......


                                                                              ٨-١٠-٢٠١٣
                                                                        هەڵەبجەی شهید