سەرۆک وەزیرانی بەریتانیا ڕایگەیاند، کە لەگەڵ پەرلەمانی ئوردون-دا گەیشتوونەتە ڕێککەوتن و دەیانەوێت بەزووترین کات  (ئەبوقەتادە) لە بەریتانیاوە بگەڕێننەوە بۆ ناو وڵاتی ئوردون.

پەیماننامەی دیپۆرتکردنەوەی ئەبو قەتادە لەلایەن پەڕلەمانی ئوردون-ەوە ئیمزا کراوە و بە زووترین کات ئەو کەسایەتییە ئیسلامییه‌ دەگەڕێتەوە نیشتمانەکەی.

شەوی ڕابردوو لەسەر هەمان بابەت، دەیڤد کامیرۆن-ی سەرۆک وەزیرانی بەریتانیا لەگەڵ شا عەبدوڵا-ی وڵاتی ئوردن دا گفتوگۆی کردووە و ئەویش بە هەمان شێوەی پەرلەمان ڕازیبوونی وڵاتەکەی لە پێشوازیکردنی ئەبو قەتادە دا ڕاگەیاند.

هۆکاری مانەوەی قەتادە لەناو بەریتانیادا بۆ ئەم چەند ساڵە و دیپۆرتنەکردنەوەی لەلایەن ئەو وڵاتەوە بۆ چەند بەڵگەیەک لەسەر بوونی مەترسیی گیانی ئەو سەرکردە دیارەی ناو گروپە ئیسلامیه‌كانی‌ ئوردون دەگەڕێتەوە.