بۆ به‌رپرسه‌ نابه‌رپرسه‌كانی هه‌رێم له‌ بۆنه‌ی تیرۆركردنی كاوه‌ گه‌رمیانیدا
ماوه‌یه‌ك پێش ئێسته‌ هۆنراوه‌یه‌كم به‌ناوی: ئاسۆوه‌ نوسی و ئومێدی پێوه‌ دیار بوو ... له‌گه‌ڵ ئه‌وه‌ی من كه‌سێكی گه‌شبینم به‌ڵام ئه‌م چه‌ند دێڕه‌ شیعره‌م له‌ ئه‌مڕۆدا نوسی:


پاش ساوایه‌تی و گه‌وره‌ بون؟!
پاش ساڵانێكی پڕ ئه‌زمون؟!
كوا؟ گه‌وره‌بوون؟!

كوانێ ئه‌زمون؟!
كوا ئازادی سه‌ره‌تایی
بێ چه‌ند و چون؟!

بۆ حه‌زتان به‌ تاریكییه‌؟!
تیشكی رۆژی 
پڕ روناكی

بۆ لای ئێوه‌ نه‌گبه‌تییه‌؟!
ئه‌و چاوانه‌ی پێی ده‌بینین
ئێوه‌ ده‌تانه‌وێ كوێر بێ

تا خێرو بێری ئه‌م خاكه‌
دز و تاڵانچی پێی فێر بێ
ئه‌و زمانه‌ی كه‌ دێته‌ گۆ

ده‌ری ده‌خا راستی و درۆ
وره‌ ده‌دا به‌ من و تۆ
ئێوه‌ ده‌ڵێن به‌بڕین چێ

كاتێكیش بۆتان بڕه‌خسێ
زمانه‌كان له‌ گۆ ده‌خه‌ن
ده‌نگی ئازاد ده‌تاسێنن

بۆ حه‌زه‌ نه‌گریسه‌كه‌تان
ته‌ڕو وشكیش ده‌سوتێنن
كۆرپه‌ 

له‌ دایك ده‌فڕێنن
بۆ پاره‌ و پول و سه‌رمایه‌
خۆفرۆشتنیش

ره‌وایه‌
براكوژیش پاساوداره‌ و
وڵات فرۆشیش كرداره‌