80 زیارەتکاری شیعە لە پارێزگای دیوانییە باشووری بەغدا ژەهراویبوون. 80 زیارەتکاری شیعە مەزهەب، کە لە رێگەدابوونە بەرەو شاری کەربەلا بە مەبەستی زیندووکردنەوەی چلەی ئیمام حوسێن،

 لە یەکێک لە کەژاوەکانی ناحیەی شامییە-ی سەربەپارێزگای دیوانییە، خواردنی ماوەبەسەرچوویان خواردووە و بەهۆیەوە ژەهراویبوون. بەگوێرەی سەرچاوەیەکی پزیشکی، سەرجەمیان رەوانەی نەخۆشخانەکراون بە مەبەستی وەرگرتنی چارەسەر و هیچ حاڵەتێکی مردن تۆمارنەکراوە . رۆژی 5.12.2013 ، 65 كەس لە گوندی بەروانەی بچووك سەر بە قەزای میقدادییە ( 35 كم لە باكووری رۆژهەڵاتی بەعقوبە) ژەهراویبوون، 

دوای ئەوەی هەریسەیان خواردبوو، كە لەلایەن خێزانێكی گوندەكە ئامادەكرابوو. هەریسە، خواردنێكی تایبەتە و شیعەكان لە مانگی موحەڕەم بە تایبەتی لە رۆژی 10ـی مانگی عاشوورا لە یادی شەهیدكردنی حوسێنی كوڕی عەلی ئەبو تاڵب دروستی دەكەن و دابەشی سەر زیارەتکارانی دەكەن.